News Continuous Bureau | Mumbai
Mumbai Local Train Accident મુંબઈના કુર્લા રેલવે સ્ટેશન પર એક અત્યંત ચોંકાવનારી ઘટના કેમેરામાં કેદ થઈ છે. મુંબઈ લોકલ ટ્રેનની ભારે ભીડ વચ્ચે એક વૃદ્ધ મુસાફર ચાલુ ટ્રેને ઉતરવાનો પ્રયાસ કરી રહ્યા હતા ત્યારે તેમનો સંતુલન બગડતા તેઓ ટ્રેન અને પ્લેટફોર્મ વચ્ચેની ખાંચમાં પડવાના જ હતા. જોકે, ત્યાં ફરજ પર તૈનાત ટિકિટ ચેકર (TC) એ સેકન્ડોના વિલંબ વગર દોડીને વૃદ્ધને ખેંચી લીધા અને તેમનો જીવ બચાવ્યો હતો.
શું હતી સમગ્ર ઘટના?
મળતી માહિતી મુજબ, આ ઘટના ત્યારે બની જ્યારે થાણે-CSMT લોકલ ટ્રેન કુર્લા સ્ટેશન પર આવી રહી હતી. ટ્રેન હજુ ઉભી જ રહી હતી ત્યાં એક વૃદ્ધ મુસાફરે ઉતરવાનો પ્રયત્ન કર્યો. મોટી ઉંમર અને પાછળથી આવતા મુસાફરોના ધક્કાને કારણે તેઓ પ્લેટફોર્મ પર પટકાયા અને ટ્રેન તરફ ખેંચાવા લાગ્યા. ત્યાં હાજર TC એ પરિસ્થિતિની ગંભીરતા સમજી અને એક ક્ષણનો પણ વિચાર કર્યા વગર વૃદ્ધ તરફ દોડ લગાવી હતી.
સીસીટીવીમાં કેદ થઈ બહાદુરી
CCTV ફૂટેજમાં સ્પષ્ટ દેખાય છે કે કેવી રીતે TC એ પોતાની પૂરી તાકાત લગાવીને મુસાફરને ટ્રેનથી દૂર ખેંચી લીધા. જો TC એ સહેજ પણ મોડું કર્યું હોત તો વૃદ્ધ મુસાફર ટ્રેન નીચે આવી ગયા હોત. આ સ્પાઈન-ચિલિંગ વીડિયો અત્યારે સોશિયલ મીડિયા પર જોરદાર વાયરલ થઈ રહ્યો છે અને લોકો આ વીડિયો જોઈને સ્તબ્ધ થઈ ગયા છે.
मुंबई कुरला स्टेशन पर देवदूत बना टीसी, बचाई बुजुर्ग यात्री की जान pic.twitter.com/UdEuEeb8kM
— आजाद भारत का आजाद नागरिक (@AnathNagrik) February 11, 2026
આ સમાચાર પણ વાંચો : Mulund Station Demolition: મુલુંડ પશ્ચિમ સ્ટેશન પરિસરમાં પાલિકાનો ‘મેગા સપાટો’ ગેરકાયદે અતિક્રમણ અને ફેરિયાઓના અડ્ડાઓ પર ફરી વળ્યું જેસીબી, રસ્તાઓ થયા મોકળા
સોશિયલ મીડિયા પર પ્રશંસાની વર્ષા
આ વીડિયો ઓનલાઈન સામે આવતા જ નેટીઝન્સે TC ના જોરદાર વખાણ કર્યા છે. અનેક યુઝર્સે લખ્યું કે આવા સતર્ક રેલવે કર્મચારીઓ જ મુંબઈ લોકલના મુસાફરો માટે સાચું સુરક્ષા કવચ છે. રેલવે પ્રશાસને પણ આ કર્મચારીની બહાદુરીને બિરદાવતા તેને માનવતા અને યોગ્ય સુરક્ષા તાલીમનું ઉત્તમ ઉદાહરણ ગણાવ્યું છે. આ ઘટના ફરી એકવાર ચાલુ ટ્રેને ચડવા કે ઉતરવાના જોખમ સામે લાલબત્તી ધરે છે.
Five Keywords – Mumbai Local Train Accident,Kurla station, TC rescue operation, viral video, Kurla railway, Mumbai railway
