ન્યુઝ કન્ટિન્યુઝ બ્યુરો
મુંબઈ, 2 ઑક્ટોબર, 2021
શનિવાર
કાંદિવલી (વેસ્ટ), ચારકોપમાં 116 એકરનો ઇન્ડસ્ટ્રી માટેનો પ્લૉટ અનામત રાખવામાં આવ્યો હતો, પરંતુ આ પ્લૉટ પર હવે બાર, રેસ્ટોરા તથા કપડાની દુકાનો ઊભી થઈ ગઈ છે. એની ફરિયાદ જતાં હવે રહી રહીને મુંબઈ ઉપનગરના કલેક્ટરે સંબંધિત લોકો સામે પગલાં લેવાનો આદેશ આપ્યો છે.
આ બાબત પ્રકાશમાં આવતા ઉપનગરના કલેક્ટરે મહારાષ્ટ્ર ઇન્ડસ્ટ્રિયલ ડેવલપમેન્ટ કૉર્પોરેશનના ચીફ એક્ઝિક્યુટિવ ઑફિસરને પત્ર મોકલીને સંબંધિતો દ્વારા નિયમોનું ઉલ્લંઘ કરવામાં આવતું હોવાની જાણ કરવામાં આવી હતી. કલેક્ટર દ્વારા આ પ્લૉટ ઉદ્યોગોના વિકાસ અર્થે મહારાષ્ટ્ર ઇન્ડસ્ટ્રિયલ ડેવલપમેન્ટ કૉર્પોરેશનને હસ્તાંતર કર્યો હતો.
મુંબઈના ગરબાપ્રેમીઓ સાથે હાડોહાડ અન્યાય : મુંબઈ સિવાય રાજ્યમાં ગરબાની મંજૂરી; જાણો વિગત
સરકારની માલિકીની આ જમીનનો ઔદ્યોગિક વિકાસ કરવાનો આદેશ મહેસૂલ ખાતાએ 1961ની સાલમાં આપ્યો હતો. તેમ જ જમીન વિતરણ કરવાનો અધિકાર કલેક્ટર પાસે હતો. એ મુજબ 16 પ્લૉટ સાર્વજનિક ઉપયોગ માટે અને 150 પ્લૉટ ઔદ્યોગિક વિકાસ માટે આપવામાં આવ્યા હતા.જોકે ચારકોપનો આ પ્લૉટનો ઉપયોગ ઉદ્યોગ સિવાયના અન્ય કામ માટે થતો હોવાથી તપાસ કરીને સંબંધિત સામે પગલાં લેવાનો આદેશ કલેક્ટરે આપ્યો છે.
