News Continuous Bureau | Mumbai
Khar Police Constable ACB Action મુંબઈના ખાર વિસ્તારમાં હોટેલ વ્યવસાયી પાસે માસિક હપ્તા પેટે લાંચ માગવાના ગંભીર આરોપસર ખાર પોલીસ સ્ટેશનના એક કોન્સ્ટેબલ સામે એન્ટી કરપ્શન બ્યુરો દ્વારા ગુનો નોંધવામાં આવ્યો છે.
Khar Police Constable ACB Action – ધંધો ચાલુ રાખવા માટે માસિક હપ્તાની માગણી
એન્ટી કરપ્શન બ્યુરો દ્વારા મળતી માહિતી અનુસાર, ફરિયાદી ખાર વિસ્તારમાં જરૂરી તમામ પરવાનગીઓ સાથે ઝુણકા ભાખર કેન્દ્ર ચલાવે છે. ડિસેમ્બર 2025 દરમિયાન સંબંધીત પોલીસ કોન્સ્ટેબલ હોટેલ પર પહોંચ્યો હતો અને ધંધો અવરોધ વગર ચાલુ રાખવા માટે માસિક 2,500 રૂપિયાના હપ્તા તથા પાછલા ચાર મહિનાના બાકી નીકળતા 10,000 રૂપિયાની માગણી કરી હતી. પૈસા નહીં આપે તો કાનૂની કાર્યવાહી કરવાની ધમકી પણ આપવામાં આવી હતી.
Khar Police Constable ACB Action – ફરિયાદીએ એસીબીમાં કરી લેખિત ફરિયાદ
ફરિયાદીએ લાંચ આપવાના બદલે એસીબીનો સંપર્ક સાધ્યો હતો. એસીબીની તપાસ અને પડેતાલ દરમિયાન પોલીસ કર્મચારીએ શરૂઆતમાં 10,000 રૂપિયાની માગણી કરી આખરે 5,000 રૂપિયાની લાંચ સ્વીકારવા સંમતિ દર્શાવી હોવાનું સાબિત થયું હતું.
Khar Police Constable ACB Action – ભ્રષ્ટાચાર નિવારણ કાયદા હેઠળ કાનૂની કાર્યવાહી
આ અંગે યોગ્ય પુરાવા મળતાં જ એસીબીએ ભ્રષ્ટાચાર નિવારણ કાયદો, 1988 ની કલમ 7 હેઠળ ગુનો નોંધ્યો છે. હાલમાં એસીબીના ઉચ્ચ અધિકારીઓના માર્ગદર્શન હેઠળ આ કેસની સઘન તપાસ ચાલી રહી છે અને આરોપી કોન્સ્ટેબલ સામે આગળની કાર્યવાહી હાથ ધરવામાં આવી છે.
👉 આ સમાચાર વાચો:
Mumbra Building Gallery Collapse મુમ્બ્રામાં 40 વર્ષ જૂની બિલ્ડિંગનો ગેલેરી સ્લેબ ધરાશાયી, 13 વર્ષીય કિશોરીનું મોત અને 5 નો બચાવ
