News Continuous Bureau | Mumbai
મહારાષ્ટ્રમાં ગણેશોત્સવનો ઉત્સાહ ચરમસીમા પર છે. મુંબઈનું લાલબાગચા રાજા મંડળ એક પ્રતિષ્ઠિત અને લોકપ્રિય મંડળ છે, જ્યાં લાખો ભક્તો દર્શન માટે લાંબી લાઈન માં ઊભા રહે છે. હવે આ મંડળને મુંબઈ મહાનગરપાલિકા (BMC) દ્વારા નોટિસ ફટકારવામાં આવી છે, જેના કારણે વિવાદ સર્જાયો છે.
અન્નછત્ર શરૂ કરવાનો નિર્ણય વિવાદનું કારણ બન્યો
આ વર્ષે લાલબાગચા રાજાના દર્શને આવતા ભક્તો માટે વિશેષ સુવિધા તરીકે મંડળે ‘અન્નછત્ર’ શરૂ કરવાનો નિર્ણય લીધો હતો. આ માટે લાલબાગના પેરુ કમ્પાઉન્ડ વિસ્તારમાં ત્રણ અન્નછત્ર બનાવવામાં આવ્યા હતા, જ્યાં એક સાથે ૫૦૦થી વધુ ભક્તોને પ્રસાદના રૂપમાં ભોજન મળી શકે તેવી વ્યવસ્થા કરવામાં આવી હતી. જોકે, સંભવિત ભીડ, ભાગદોડનો ખતરો અને કાયદો-વ્યવસ્થાની પરિસ્થિતિને ધ્યાનમાં રાખીને મુંબઈ પોલીસે આ અન્નછત્રને પરવાનગી આપવાનો ઇનકાર કર્યો હતો. ત્યારબાદ ફાયર બ્રિગેડે પણ સુરક્ષાના જોખમને કારણે મંડળના આ પ્રસ્તાવને મંજૂરી આપી ન હતી. આ છતાં મંડળે અન્નછત્ર શરૂ કરતા હવે મુંબઈ મહાનગરપાલિકાના ‘એફ સાઉથ’ વોર્ડ દ્વારા કાર્યવાહીની તૈયારીઓ શરૂ કરવામાં આવી છે.
મળ માલિકને સીધી નોટિસ ફટકારવામાં આવી
મહાપાલિકાએ મંગળવારે પેરુ કમ્પાઉન્ડના મૂળ માલિકને સીધી નોટિસ આપી છે. આ નોટિસમાં બનાવવામાં આવેલા મંડપ અને સંબંધિત તમામ સામગ્રીને તાત્કાલિક હટાવવાનો આદેશ આપવામાં આવ્યો છે. નોટિસમાં સ્પષ્ટપણે જણાવવામાં આવ્યું છે કે ૨૪ કલાકની મુદત આપવામાં આવી છે અને જો આ સમયગાળામાં અન્નછત્ર હટાવવામાં નહીં આવે તો મહાપાલિકા દ્વારા જ કાર્યવાહી કરીને તેને હટાવી દેવામાં આવશે. આથી, બુધવાર, ૨૭ ફેબ્રુઆરીના રોજ નોટિસની મુદત સમાપ્ત થયા બાદ શું કાર્યવાહી થાય છે, તેના પર સૌની નજર ટકેલી છે.
આ સમાચાર પણ વાંચો : Ganeshotsav Flowers: Ganeshotsav 2025: બાપ્પાની પૂજાના પ્રિય ફૂલોના ભાવ આસમાને પહોંચ્યા, જાસ્વંદ અને ચાફા મોંઘા થયા, જાણો બીજા ફૂલો નો ભાવ
ભીડ જમા થવાનો ડર
મહાપાલિકાના એક વરિષ્ઠ અધિકારીએ જણાવ્યું કે, પોલીસ અને ફાયર બ્રિગેડે પરવાનગી ન આપ્યા બાદ જ આ નોટિસ મોકલવામાં આવી છે. તેનું કારણ એ છે કે જો મોટા પાયે ભીડ જમા થાય તો કોઈ પણ કટોકટીની પરિસ્થિતિને પહોંચી વળવા માટે જરૂરી વ્યવસ્થા ઉપલબ્ધ નથી. ફાયર બ્રિગેડના સૂત્રોએ પણ કહ્યું કે, એક સાથે મોટી સંખ્યામાં ભક્તો અન્નછત્રમાં એકત્ર થઈ શકે છે અને આવી પરિસ્થિતિનું કોઈ સ્પષ્ટ આયોજન ન હોવાથી પરવાનગી આપવામાં આવી નથી. પોલીસ અને મહાપાલિકાની મંજૂરી મળે તો જ અમે પણ પરવાનગી આપીશું, એમ સૂત્રોએ સ્પષ્ટ કર્યું હતું.
