News Continuous Bureau | Mumbai
મુંબઈ મહાનગરપાલિકા ચાર કરોડ રૂપિયાના ખર્ચે જૂહુ બીચ પર એક અનોખી સૌંદર્ય યોજના લાગુ કરવા જઈ રહી છે. આ યોજના મુજબ જુહુ બીચ પર રોજ સાંજે લાઈટ શો નું આયોજન કરવામાં આવશે.
આ માટે મુંબઈ મહાનગરપાલિકાના પ્રશાસને મંજૂરી મેળવી લીધી છે. લાઈટ શોમાં મુંબઈ શહેરનું મહત્વ તેમજ મુંબઈના જાણીતા સ્થળો અને મનોરંજક વસ્તુઓને પ્રસ્તુત કરવામાં આવશે. આ લાઇટ શો અંધારું થઈ ગયા બાદ લોકો સમક્ષ બેથી વધુ વખત એક નિશ્ચિત સમયના અંતરે પ્રસ્તુત કરવામાં આવશે.
ઉલ્લેખનીય છે કે મુંબઈ શહેરનો જુહુ બીચ એ વિશ્વપ્રસિદ્ધ જગ્યા છે અને અહીં દેશ-વિદેશથી લોકો ફરવા માટે આવે છે. જોકે લાંબા સમયથી આ બીચનો કાયાપલટ થયો નથી. હવે પ્રશાસન સૌંદર્ય કરણના માધ્યમથી પ્રવાસીઓને વધુ એક વખત બીચ સુધી લઈ આવવા માંગે છે.
