News Continuous Bureau | Mumbai
Mangal Prabhat Lodha: મહાનગર મુંબઇનાં કોર્પોરેટ કોમ્પ્લેક્ષ ગણતા બાંદ્રા-કુર્લા કોમ્પ્લેક્ષ ( BKC ) માં દિન-પ્રતિદિન વધી રહેલી ટ્રાફિકની સમસ્યામાંથી નાગરિકોને છુટકારો અપાવવા માટે તાકિદે પગલાં લેવા રાજ્યનાં કેબિનેટ મંત્રી મંગલ પ્રભાત લોઢાએ MMRDA ને રજૂઆત કરી છે. આ સાથે તેમણે અમુક વિકલ્પો પણ સુચવ્યા હતા.
ઉપનગરીય પાલક મંત્રી લોઢાનો MMRDA કમિશનર સંજય મુખર્જીને પત્ર લખીને જણાવ્યું હતું કે તેઓ આ મુદ્દે નાગરિકો અને સંબંધિત અધિકારીઓ સાથે ચર્ચા કરી રહ્યા છે. આ વિસ્તારમાં મેટ્રોના ચાલી રહેલા કામથી ( Metro Construction ) રસ્તાની પહોળાઈ ઘટી ગઈ છે. સાઇકલ ટ્રેક અને બગીચા બાંધવામાં આવ્યા હોવા છતાં ટ્રાફિક ( traffic problem ) ની સ્થિતી બદતર થઇ રહી છે.
Mangal Prabhat Lodha: હવે તેમણે આ પત્ર સાથે અમુક સુચનો પણ કર્યા છે.
- રસ્તાઓમાં સાયકલ ટ્રેકનો સુચારૂ ઉપયોગ શરૂ કરવા તેમજ BKCમાં ( BKC Traffic ) કોઈપણ બાજુના પ્લોટમાં અલગ સાઈકલ ટ્રેક બનાવવા માટે વિચારણા કરવી જોઈએ, જેથી સાઈકલ સવારો તેનો સુરક્ષિત ઉપયોગ કરી શકે.
- મેટ્રોના કામ માટે ઉભા કરાતા અવરોધોનું આયોજન ઓછામાં ઓછી જગ્યા રોકે તેવું ધ્યાન રાખવું જોઈએ
- MMRDA દ્વારા બાંદ્રા સ્ટેશનથી BKC સુધી વિશેષ બસો શરૂ કરવી જોઈએ. આનાથી બાંદ્રા સ્ટેશનથી BKC સુધી પહોંચવા માટે ટેક્સીઓ અને રિક્ષાચાલકોની ભીડ અને ગેરકાયદેસર ઉંચા ભાડાની વસુલી જેવી સમસ્યાઓમાં ઘટાડો થશે.
આ સમાચાર પણ વાંચો: Western Railway: ચાર મહિનામાં હજારો ટિકિટ વિનાના ખુદાબક્ષો પકડાયા, આટલો બધો દંડ વસુલયો.
ભારત ડાયમંડ બોર્સમાં, ફૂટપાથ અને બગીચાઓ માટે સંયુક્ત ૨૧ મીટર જગ્યા અને ફોર લેન રોડ માટે ૧૫ મીટર જગ્યા છે, જે ટ્રાફિકની સમસ્યામાં વધારો કરે છે. તેના ઉકેલ માટે ઈન્ફ્રાસ્ટ્રક્ચરમાં પણ જરૂરી ફેરફારો કરવા જોઈએ. પત્રમાં BKCમાં શક્ય તેટલી વહેલી તકે રસ્તા પહોળા કરવા, ડાબી લેનને હંમેશા ખુલ્લી રાખવા, સ્માર્ટ સિગ્નલિંગ અને ટ્રાફિક સિસ્ટમનો ઉપયોગ કરવા, BKC પોલીસ સ્ટેશનના અધિકારક્ષેત્ર હેઠળ એક અલગ ટ્રાફિક ડિવિઝન બનાવવા જેવા સૂચનો પણ સામેલ છે
Disclaimer : Except for the headline, this story has not been edited by News Continuous staff and is published from a syndicated feed.
