News Continuous Bureau | Mumbai
Mira Bhayandar mini cluster મીરા-ભાઈંદર મહાનગરપાલિકા દ્વારા મંજૂર કરાયેલી ક્લસ્ટર યોજના હેઠળ, જોખમી ઈમારતોની પુનર્વિકાસ પ્રક્રિયાને વધુ વેગ આપવા માટે એક મહત્ત્વપૂર્ણ નિર્ણય લેવામાં આવ્યો છે. હવે ઓછામાં ઓછા ૫ ઈમારતોના જૂથને અથવા ચોક્કસ ચોરસ મીટર ક્ષેત્રફળ ધરાવતી જમીનને ‘મિની ક્લસ્ટર’ તરીકે માન્યતા આપીને ક્લસ્ટરના તમામ લાભો આપવાની નીતિ નક્કી કરવામાં આવી રહી છે.
આ અંગેની માહિતી પરિવહન મંત્રી પ્રતાપ સરનાઈકએ આપી હતી.મંત્રી સરનાઈકએ તેમના કાર્યાલયમાં યોજાયેલી એક બેઠકમાં આ અંગે વાત કરી હતી. બેઠકમાં શહેરી વિકાસ વિભાગના અધિક મુખ્ય સચિવ આસિમ કુમાર ગુપ્તા, મીરા-ભાઈંદર મહાનગરપાલિકાના કમિશનર રાધા બિનોદ શર્મા સહિત અન્ય અધિકારીઓ અને ભૂતપૂર્વ નગરસેવકો હાજર રહ્યા હતા.
તાજેતરમાં, ૩૦ વર્ષ કે તેથી વધુ સમયગાળાની, અસુરક્ષિત અને ગીચ વસ્તીવાળી ઈમારતોના ઓછામાં ઓછા ૫ ઈમારતોના જૂથને ‘મિની ક્લસ્ટર’ નીતિ તરીકે નક્કી કરવામાં આવી રહી છે.
આ સમાચાર પણ વાંચો : MNS protest Mumbai: મુંબઈના ગિરગાંવની ગુજરાતી રેસ્ટોરન્ટમાં મરાઠી ભાષા પરથી MNSનો હંગામો; ૧૫ દિવસમાં કાર્યવાહીની માગણી
વળી, ગ્રામ પંચાયત સમયગાળાની ૩૦ વર્ષથી વધુ જૂની ઈમારતોના પુનર્વિકાસ માટે થાણે મહાનગરપાલિકાની જેમ પુનર્વિકાસ કરવાનું નક્કી કરવામાં આવ્યું છે. આવી ઈમારતોને UDCPR ની જોગવાઈઓ અનુસાર, એસેસમેન્ટ ઉતારા (Assessment Extract) પરના બાંધકામ ક્ષેત્રને આધાર માનીને, તેના પર ગણતરી કરીને ૬G ટેબલથી ઉપર પ્રોત્સાહક FSI (ચટાઈ ક્ષેત્ર) મેળવી આપવામાં આવશે.
મંત્રી સરનાઈકે આશા વ્યક્ત કરી હતી કે આ બંને નિર્ણયોને કારણે આગામી સમયમાં જોખમી અને જૂની ઈમારતોના પુનર્વિકાસની ગતિ વધશે અને સલામત, ઝૂંપડપટ્ટી મુક્ત અને ટકાઉ શહેર તરફ પગલું ભરવામાં મદદ મળશે.
