News Continuous Bureau | Mumbai
Mumbai AC Local Breakdown અઠવાડિયાના પહેલા જ દિવસે મુંબઈ લોકલ સેવામાં મોટી ખામી જોવા મળી છે. મુલુંડ રેલવે સ્ટેશન પર એક એસી લોકલ (AC Local) માં ટેકનિકલ ખામી સર્જાતા મુસાફરોનો જીવ અધ્ધર થઈ ગયો હતો. ટ્રેનનું એસી અચાનક બંધ થઈ જતા ડબ્બામાં ગૂંગળામણ સર્જાઈ હતી, જેના કારણે બે મુસાફરો બેભાન થઈ ગયા હતા.
Mumbai AC Local Breakdown – મુલુંડ સ્ટેશન પર સર્જાયેલી અફરા-તફરી
સોમવારે સવારના પીક અવર્સ (Peak Hours) દરમિયાન, મુલુંડ સ્ટેશનના પ્લેટફોર્મ નંબર ૨ પર ઉભેલી એસી લોકલમાં ટેકનિકલ ખામી સર્જાઈ હતી. ટ્રેનની વાતાનુકૂલિત સિસ્ટમ અચાનક લગભગ ૧૦ મિનિટ માટે સંપૂર્ણપણે બંધ થઈ ગઈ હતી. ટ્રેનમાં ભારે ભીડ હોવાને કારણે બંધ એસીના લીધે ડબ્બામાં ગૂંગળામણ (Suffocation) વધી ગઈ હતી. આ સ્થિતિમાં મહિલા પ્રવાસીઓ સૌથી વધુ હેરાન-પરેશાન જોવા મળી હતી.
Mumbai AC Local Breakdown – બે મુસાફરોને હોસ્પિટલમાં દાખલ કરવા પડ્યા
ગૂંગળામણના કારણે ડબ્બામાં મુસાફરી કરી રહેલા એક મહિલા અને એક પુરુષ પ્રવાસી અચાનક બેભાન (Unconscious) થઈ ગયા હતા. આ ઘટના બાદ ટ્રેનમાં દોડધામ મચી ગઈ હતી. અન્ય પ્રવાસીઓની મદદથી તેમને તાત્કાલિક ટ્રેનમાંથી નીચે ઉતારીને પ્રાથમિક સારવાર આપવા માટે નજીકની હોસ્પિટલમાં ખસેડવામાં આવ્યા હતા. રેલવે પ્રશાસનની આ લાપરવાહીને લઈને મુસાફરોમાં ભારે રોષ જોવા મળી રહ્યો છે.
Mumbai AC Local Breakdown – રેલવે તંત્રની કામગીરી પર ઉઠ્યા સવાલ
મુંબઈમાં એસી લોકલમાં ટેકનિકલ ખામી અને આવી ઘટનાઓ બનવી હવે સામાન્ય બાબત બની ગઈ છે. પ્રવાસીઓનો આક્ષેપ છે કે રેલવે તંત્ર દ્વારા એસી લોકલનું નિયમિત મેઈન્ટેનન્સ (Maintenance) કરવામાં આવતું નથી. સવારના સમયે જ્યારે ઓફિસ જનારા લોકોની ભારે ભીડ હોય છે, ત્યારે આવી ગંભીર સમસ્યા મુસાફરોના સ્વાસ્થ્ય માટે જોખમી સાબિત થઈ શકે છે. આ મામલે રેલવે અધિકારીઓએ તપાસના આદેશ આપ્યા છે, પરંતુ મુસાફરો સુરક્ષિત મુસાફરીની માંગ કરી રહ્યા છે.
👉 આ સમાચાર વાચો:
WhatsApp Username Feature ભારતીયોને વ્હોટ્સએપના યુઝરનેમ ફીચર માટે વધુ રાહ જોવી પડશે; મેટાએ લીધો મોટો નિર્ણય! જાણો શું છે કારણ
