News Continuous Bureau | Mumbai
Mumbai Aiport : ડિરેક્ટોરેટ ઑફ રેવન્યુ ઈન્ટેલિજન્સ ( DRI )ના અધિકારીઓએ તાજેતરમાં અફઘાનિસ્તાનના કૉન્સ્યુલ જનરલ ઝાકિયા વર્દાકને મુંબઈ એરપોર્ટ પર રોક્યા અને તેમની પાસેથી 18.6 કરોડ રૂપિયાનું 25 કિલો સોનું જપ્ત કર્યું હતું. આરોપ છે કે ઝાકિયા આ સોનું દુબઈથી ભારતમાં દાણચોરી કરવાનો પ્રયાસ કરી રહી હતી. આ ઘટના 25 એપ્રિલે બની હતી અને કસ્ટમ્સ ( Custom Department ) એક્ટ 1962 હેઠળ સોનાની દાણચોરીનો કેસ નોંધવામાં આવ્યો હતો. તેમજ પંચનામા હેઠળ સોનું જપ્ત કરવામાં આવ્યું હતું. સૂત્રોએ જણાવ્યું હતું કે વર્દાકની ધરપકડ કરવામાં આવી નથી કારણ કે તેને રાજદ્વારી છુટ છે. કાયદા અનુસાર, જો દાણચોરીના સોનાની કિંમત રૂ. 1 કરોડથી વધુ હોય, તો શંકાસ્પદની ધરપકડ કરવામાં આવે છે અને ફોજદારી કાર્યવાહી કરવામાં આવે છે. સૂત્રોએ જણાવ્યું કે વર્દાકન પાસે ઇસ્લામિક રિપબ્લિક ઓફ અફઘાનિસ્તાન દ્વારા જારી કરાયેલ રાજદ્વારી પાસપોર્ટ હતો.
તાજેતરના સમયમાં શહેરમાં કદાચ આ પહેલો કિસ્સો છે, જ્યારે દાણચોરીના ( Gold Smuggling ) કેસમાં વિદેશના કોઈ વરિષ્ઠ રાજદ્વારીને એરપોર્ટ પર રોકવામાં આવ્યા હોય. સૂત્રોએ જણાવ્યું હતું કે ડીઆરઆઈને વર્દાક વિશે ચોક્કસ માહિતી મળી હતી અને મળતી માહિતીના આધારે કામગીરી કરતા એરપોર્ટ પર લગભગ એક ડઝન કર્મચારીઓને તૈનાત કર્યા હતા.
Mumbai: DRI અધિકારીઓએ 25 સોનાના બાર જપ્ત કર્યા હતા..
આ કેસમાં 58 વર્ષીય વર્દાક ( Afghan Diplomat ) તેના પુત્ર સાથે એમિરેટ્સની ફ્લાઈટ દ્વારા સાંજે 5.45 વાગ્યે દુબઈથી મુંબઈ પહોંચ્યા હતા. બંનેએ ગ્રીન ચેનલનો ઉપયોગ કર્યો હતો, જે દર્શાવે છે કે તેમની પાસે કસ્ટમ્સને જાહેર કરવા માટે જરૂરી કોઈ માલ નથી. તેઓ એરપોર્ટની બહાર નીકળવા તરફ આગળ વધી રહ્યા હતા ત્યારે DRI અધિકારીઓએ તેમને રોક્યા હતા અને તપાસ કરી હતી.
આ સમાચાર પણ વાંચો : Share Market Crash: નવા શિખરો સર કર્યા પછી વેચાણના ભારે દબાણને કારણે શેરબજાર તૂટયો… જાણો શું છે ઘટાડાના મુખ્ય કારણો..
બંને મુસાફરો પાસે પાંચ ટ્રોલી બેગ, એક હેન્ડ બેગ, એક સ્લિંગ બેગ હતા. પરંતુ તેના સામાન પર તેની રાજદ્વારી સ્થિતિ દર્શાવતા કોઈ ટેગ કે નિશાનો નહોતા. સૂત્રોએ જણાવ્યું કે ડીઆરઆઈ અધિકારીઓએ મુસાફરોને પૂછ્યું કે શું તેઓ તેમની સાથે કોઈ ડ્યુટીબલ સામાન અથવા સોનું લઈ રહ્યા છે. તેણે કહ્યું ના. આ બાદ તેમની બેગ તપાસવામાં આવી હતી.
જ્યારે મહિલા અધિકારીએ તેમની તપાસ શરુ કરી તો તેઓ તેમને અલગ રૂમમાં લઈ ગયા અને જેમાં દાણચોરીનું સોનું મળી આવ્યું હતું. સોનાના બાર તેના કસ્ટમાઈઝ્ડ જેકેટ, લેગિંગ્સ, ઘૂંટણની કેપ્સ અને કમરના બેલ્ટમાં છુપાયેલા હતા. DRI અધિકારીઓએ 25 સોનાના બાર જપ્ત કર્યા હતા, દરેકનું વજન એક કિલોગ્રામ હતું, જે ઝાકિયા વર્દાક ( zakia wardak ) દ્વારા પહેરવામાં આવેલા કસ્ટમાઇઝ્ડ કપડામાં છુપાવવામાં આવ્યું હતું. જો કે, તેમના પુત્ર પાસેથી કોઈ પ્રતિબંધિત વસ્તુઓ મળી આવી નથી.
Mumbai: ઝાકિયા વર્દાકને તત્કાલિન રાષ્ટ્રપતિ અશરફ ગનીની સરકારમાં મુંબઈમાં અફઘાનિસ્તાનના કોન્સલ જનરલ તરીકે નિયુક્ત કરવામાં આવી હતી.
સૂત્રોએ જણાવ્યું હતું કે બારની અધિકૃતતાની પુષ્ટિ કરવા માટે એક મૂલ્યાંકનકર્તાને પણ બોલાવવામાં આવ્યો હતો. સરકારી મૂલ્યાંકનકર્તાએ એક પ્રમાણપત્ર જારી કર્યું હતું જેમાં જણાવ્યું હતું કે તે 24 કેરેટ સોનાના બાર છે, જેનું વજન એક કિલોગ્રામ છે. તેમની કુલ કિંમત 18.6 કરોડ રૂપિયા હતી. જ્યારે અધિકારીઓએ ઝાકિયા વર્દાકને પૂછ્યું કે શું તેની પાસે આ વિદેશી મૂળના સોનાનો કાયદેસર કબજો બતાવવા માટે કોઈ દસ્તાવેજો છે, તો તેની પાસે કંઈ સ્પષ્ટ ઉત્તર ન હતો. સોનાના બાર અને જેકેટ સીલ કરી પંચનામા તૈયાર કર્યા બાદ તેમને જવા દેવાયા હતા.
આ સમાચાર પણ વાંચો : Anil Ambani Reliance Capital: અનિલ અંબાણીમાં મુશ્કેલીમાં થશે વધારો, આ 3 કંપનીઓ હવે વેચાવા જઈ રહી છે, ખરીદનાર કોણ હશે તે જાણો..
નોંધનીય છે કે, ઝાકિયા વર્દાકને તત્કાલિન રાષ્ટ્રપતિ અશરફ ગનીની સરકારમાં મુંબઈમાં અફઘાનિસ્તાનના કોન્સલ જનરલ તરીકે નિયુક્ત કરવામાં આવી હતી. ઓગસ્ટ 2021 માં, તાલિબાને ગની સરકારને ઉથલાવી દીધી હતી. ભારત દ્વારા તાલિબાન શાસનને સત્તાવાર રીતે માન્યતા ન હોવા છતાં, અગાઉના અફઘાન રાજદ્વારી કોર્પ્સ એ મુંબઈ અને હૈદરાબાદમાં તેમનું કામ કરવાનું ચાલુ રાખ્યું હતું. આમાં તેઓ અહીં અફઘાન નાગરિકોને કોન્સ્યુલર, શૈક્ષણિક અને વ્યાપારી સહાય પૂરી પાડે છે. જો કે, દિલ્હીમાં અફઘાન દૂતાવાસ બંધ કરવામાં આવ્યું હતું.
