News Continuous Bureau | Mumbai
ચલો એપ (Chalo App) વડે મુંબઈમાં બેસ્ટ બસ (Mumbai BEST Bus) નું લાઈવ લોકેશન ટ્રૅક કરવું, ટિકિટ બુકિંગ, પાસ બુકિંગ ખૂબ જ અનુકૂળ બની ગયું છે. બેસ્ટ દ્વારા મુસાફરીને અનુકૂળ બનાવવાની પહેલના ભાગરૂપે ચલો એપ લોન્ચ કરવામાં આવી હતી. આ અંતર્ગત બેસ્ટ હવે સુપર સેવર સ્કીમ (Super Saver Scheme) શરૂ કરી રહી છે. ગ્રાહકોને આકર્ષવા માટે બેસ્ટ વહીવટીતંત્ર દ્વારા રાહત દરે ટિકિટો વેચવામાં આવશે.
ગ્રાહકોને આકર્ષવા અને ચલો એપનો ઉપયોગ વધારવા માટે BEST દ્વારા રૂ.9 સ્કીમમાં 5 ટ્રિપ્સ ની ઓફર આરવામાં આવી છે. પરંતુ આ યોજનાનો લાભ ફક્ત નવા મુસાફરો એટલે કે પ્રથમ વખતના મુસાફરો જ મેળવી શકશે. આ સુપર સેવર સ્કીમની સંપૂર્ણ વિગતો નીચે આપેલ છે…
આ સમાચાર પણ વાંચો: જ્યોતિષ: આ રાશિના લોકો જન્મથી જ બની જાય છે કરોડોની સંપત્તિના માલિક, કુબેર દેવ હંમેશા દયાળુ રહે છે
- યોજના – માત્ર 9 રૂપિયામાં 7 દિવસમાં 5 રાઉન્ડ
- એપ ખોલતા જ તમને આ સુપર સેવર ઓફર દેખાશે.
- આ સુપર સેવર ઓફર સાથે તમારે 7 દિવસ, 5 રાઉન્ડ બસની મુસાફરી માટે માત્ર 9 રૂપિયા ટિકિટ ભાડું ચૂકવવું પડશે.
- આ ઓફરનો લાભ ફક્ત પ્રથમ વખત/નવા વપરાશકર્તા (new users) ઓ જ લઈ શકે છે, જેના માટે તમારે Chalo એપ પર લોગિન પ્રક્રિયા પૂર્ણ કરવાની જરૂર પડશે.
- જો તમે પહેલા Chalo એપમાંથી કોઈ પ્લાનનો લાભ લીધો હોય તો તમને આ સુવિધા નહીં મળે.
- બસમાં મુસાફરી કરતી વખતે તમે આ ટિકિટ એક્ટિવેટ કરી શકો છો.
- તમારે ફક્ત સંબંધિત કંડક્ટરને ઉતરવાનું સ્ટેશન જણાવવાનું રહેશે, સ્કેન કર્યા પછી તમને તમારા મોબાઇલ સ્ક્રીન પર ઇ-ટિકિટ દેખાશે.
- માત્ર ચલો એપનો ઉપયોગ કરતા મુસાફરો જ આ યોજનાનો લાભ લઈ શકશે.
