News Continuous Bureau | Mumbai
બૃહન્મુંબઈ ઇલેક્ટ્રિક સપ્લાય એન્ડ ટ્રાન્સપોર્ટ (BEST) એ તેની બસમાં મુસાફરી કરતી વખતે લોકોને મોબાઈલ ફોન પર મોટેથી વાત કરવા અને હેડફોન વિના મોબાઈલ ઉપકરણો પર ઑડિયો/વિડિયો જોવા પર પ્રતિબંધ મૂક્યો છે.
મીડિયા રિપોર્ટ મુજબ બેસ્ટના પ્રવક્તાએ જણાવ્યું હતું કે શહેર પરિવહન સંસ્થાએ સહ-પ્રવાસીઓને અસુવિધા ટાળવા માટે આ નિર્ણય લીધો છે.તેમણે કહ્યું કે મુસાફરો તરફથી મળતી સતત ફરિયાદોને ધ્યાનમાં રાખીને બેસ્ટે આ નિર્ણય લીધો છે અને 24 એપ્રિલે આ સંબંધમાં નોટિફિકેશન બહાર પાડવામાં આવ્યું હતું.
આ સમાચાર પણ વાંચો: ગોદરેજ સિક્યુરિટી સોલ્યુશન્સ સમગ્ર ભારતમાં તેની હોમ લોકર કેટેગરીની હાજરીને મજબૂત કરી
આગળ તેમણે કહ્યું કે નવા નિયમ હેઠળ, બેસ્ટની બસોમાં મુસાફરી કરતા તમામ મુસાફરોએ તેમના મોબાઇલ ઉપકરણો પર વીડિયો જોતી વખતે અથવા ઓડિયો સાંભળતી વખતે હેડફોનનો ઉપયોગ કરવો જરૂરી છે. પ્રવક્તાએ ઉમેર્યું હતું કે બેસ્ટની બસો જાહેર સેવાના વાહનો છે અને તેથી સહ-પ્રવાસીઓને કોઈપણ પ્રકારની અસુવિધા અથવા અગવડતા ટાળવા માટે, બોમ્બે પોલીસ એક્ટની કલમ 38/112 હેઠળ પગલાં લેવામાં આવી શકે છે.
અધિકારીએ કહ્યું કે સંબંધિત વિભાગને તમામ બસો પર સૂચના પ્રદર્શિત કરવા માટે કહેવામાં આવ્યું છે. તેમણે કહ્યું કે ખાનગી કંપનીઓ પાસેથી ભાડે લીધેલા વેટ-લીઝ વાહનો સહિત બેસ્ટની બસોમાં કામ કરતા તમામ કર્મચારીઓને આ નવા નિયમથી વાકેફ કરવામાં આવશે.
ઉલ્લેખનીય છે કે બેસ્ટ ઉપક્રમ પાસે લગભગ 3,400 બસોનો કાફલો છે જે મુંબઈ, થાણે, નવી મુંબઈ અને મીરા-ભાઈંદર શહેરોમાં જાહેર પરિવહન સેવાઓ પૂરી પાડે છે. બેસ્ટની બસોમાં દરરોજ 30 લાખથી વધુ મુસાફરો મુસાફરી કરે છે.
આ સમાચાર પણ વાંચો: ચોંકાવનારૂ.. બંદૂક સાથે સ્કૂલમાં ઘૂસ્યો એક વ્યક્તિ, બાળકોને બનાવ્યા બંધક. વાલીઓનો જીવ તાળવે ચોંટ્યો.. જુઓ વિડીયો