News Continuous Bureau | Mumbai
Mumbai: BMCના હાઇડ્રોલિક એન્જિનિયરિંગ વિભાગને વેરાવલ્લી જળાશય ( Veravali Reservoir ) ના 1800 mm વોટર મેઈન ( Water Main ) પર સમારકામ પૂર્ણ કરવા માટે વધુ એક દિવસની જરૂર પડશે. મુંબઈ મેટ્રો પ્રોજેક્ટ માટે ડ્રિલિંગ દરમિયાન અંધેરી ( Andheri ) પૂર્વમાં SEEPZ એન્ટ્રન્સ પાસે પાઈપલાઈનને ( Water pipeline ) નુકસાન થયું હતું. સમારકામ દરમિયાન શનિવારે જોગેશ્વરી, અંધેરી પૂર્વ, સાંતાક્રુઝ, ખાર, બાંદ્રા, ગોરેગાંવ, ભાંડુપ, કુર્લા અને ઘાટકોપરના ભાગોમાં 24 કલાક પાણી પુરવઠો ( Water supply ) નહીં મળે.
ગુરૂવારે રાત્રે પાઈપલાઈન ફાટવાના કારણે હજારો લીટર પાણીનો વેડફાટ થયો હતો. બીએમસી એન્જિનિયરોની એક ટીમ તાત્કાલિક ઘટનાસ્થળે પહોંચી હતી અને યુદ્ધના ધોરણે સમારકામની કામગીરી હાથ ધરી હતી. જોકે, BMCએ લીકેજની તપાસ અને સમારકામ માટે સપ્લાય બંધ કરવો પડશે. સમારકામનું કામ શનિવારે સવારે 8:30 વાગ્યે શરૂ કરવામાં આવશે અને રવિવારે સવારે 8:30 વાગ્યા સુધીમાં પૂર્ણ થવાની ધારણા છે.
આ ભંગને કારણે 3 મિલિયન લિટર પાણીનો બગાડ થઈ રહ્યો…
તેનાથી પૂર્વ ઉપનગરોના કેટલાક ભાગોમાં પાણી પુરવઠાને અસર થશે. એક નાગરિક અધિકારીએ જણાવ્યું હતું કે પશ્ચિમ ઉપનગરોમાં કેટલાક વિસ્તારોમાં ઓછા દબાણે પાણી મળશે, જ્યારે કેટલાકને 24 કલાક પાણી મળશે નહીં. આ દરમિયાન મેટ્રોના કામને કારણે પાણીની પાઈપલાઈન ક્ષતિગ્રસ્ત થવાની અનેક ઘટનાઓ સામે આવી છે. એડિશનલ મ્યુનિસિપલ કમિશનર (પ્રોજેક્ટ્સ) પી. વેલારાસુએ જણાવ્યું હતું કે, ‘અમે પહેલા હકીકતલક્ષી રિપોર્ટ મેળવીશું અને પછી દંડ અંગે નિર્ણય કરીશું.’
આ સમાચાર પણ વાંચો : Supreme Court: શું મહિલાને બળાત્કાર કેસમાં આરોપી બનાવી શકાય? સુપ્રીમ કોર્ટ સામે ઉભો થયો પ્રશ્ન… જાણો શું છે આ સંપુર્ણ મામલો…
28 માર્ચે, થાણેના વાગલે એસ્ટેટમાં ખુંટ ચલાવતી વખતે 2,345 એમએમ વ્યાસની પાઇપલાઇનને નુકસાન થયું હતું. સૂત્રોના જણાવ્યા અનુસાર, આ ભંગને કારણે દરરોજ આશરે 3 મિલિયન લિટર પાણીનો બગાડ થઈ રહ્યો છે. BMCએ એક મહિનામાં બે વાર ક્ષતિગ્રસ્ત પાઇપલાઇનના સમારકામ માટે રૂ. 13.84 કરોડનો ખર્ચ કરવો પડ્યો હતો.
