News Continuous Bureau | Mumbai
ભારતમાં કદાચ સૌથી મોંઘો એપાર્ટમેન્ટનો સોદો મુંબઈમાં થયો છે. અહીં વરલી લક્ઝરી ટાવરમાં એક પેન્ટહાઉસ એક ઉદ્યોગપતિને 240 કરોડ રૂપિયામાં વેચવામાં આવ્યું છે. મીડિયામાં પ્રકાશિત અહેવાલ મુજબ, વેલસ્પન ગ્રુપના ચેરમેન બીકે ગોએન્કાએ વરલીના એની બેસન્ટ રોડ પર લક્ઝરી પ્રોજેક્ટ થ્રી સિક્સ્ટી વેસ્ટમાં આ પેન્ટહાઉસ ટ્રિપ્લેક્સ ખરીદ્યું છે. બજારના સૂત્રોના જણાવ્યા અનુસાર ગગનચુંબી ઈમારતના ટાવર Bમાં પેન્ટહાઉસ 63મા, 64મા અને 65મા માળે છે.
કોણે ખરીદ્યું પેન્ટહાઉસ ?
આ પેન્ટહાઉસ 30,000 ચોરસ ફૂટમાં ફેલાયેલું છે. ગોએન્કાએ ખરીદેલા આ ઘરના ક્ષેત્રફળ પર નજર કરીએ તો, મુંબઈમાં પુનર્વસનના નામે આપવામાં આવેલા ઓછામાં ઓછા 300 ચોરસ ફૂટના ઘર કરતાં આ ઘર લગભગ 100 ગણું મોટું છે. સૂત્રોએ જણાવ્યું હતું કે ટ્રાન્ઝેક્શન બુધવારે નોંધાયું હતું અને હવે ખરીદદારો પેન્ટહાઉસમાં જવાની યોજના બનાવી રહ્યા છે.
આ સમાચાર પણ વાંચો : મુંબઈ – BEST ઉપક્રમ ગુંદાવલી અને દહિસર મેટ્રો મુસાફરો માટે શરૂ કરશે નવી બસ સેવા, જાણો રૂટ અને અન્ય વિગતો..
મૂડી લાભ મર્યાદા 10 કરોડ
રિયલ એસ્ટેટ રેટિંગ અને રિસર્ચ ફર્મ લિયાસ ફોરમ્સના સ્થાપકે જણાવ્યું હતું કે, “ભારતમાં અત્યાર સુધીમાં વેચાયેલો આ સૌથી મોંઘો એપાર્ટમેન્ટ છે. આગામી બે મહિનામાં વધુ અલ્ટ્રા લક્ઝરી ફ્લેટનું વેચાણ થવાની સંભાવના છે. કારણ કે કલમ 54 હેઠળના રોકાણ માટેના મૂડી લાભની મર્યાદા એપ્રિલ 2023થી વધારીને રૂ. 10 કરોડ કરવામાં આવી છે. તેથી, જો મૂડી ખર્ચ રૂ. 10 કરોડથી વધુ છે તો ટેક્સ ચૂકવવો પડશે.
દરમિયાન, આ જ પ્રોજેક્ટની બીજી વિંગમાં પેન્ટહાઉસ બિલ્ડર વિકાસ ઓબેરોયે પોતે ખરીદ્યું છે, અને તેની કિંમત 240 કરોડ રૂપિયા છે. આ પ્રોજેક્ટ ઓબેરોયનો છે, અને ઉદ્યોગપતિ/બિલ્ડર સુધાકર શેટ્ટી પણ તેમાં હિસ્સો ધરાવે છે. આ ઘર ઓબેરોયે પોતાની કંપની R S Estates Pvt Ltd ના નામે ખરીદ્યું છે.
