News Continuous Bureau | Mumbai
Mumbai: ચીનથી પાકિસ્તાન જઈ રહેલા એક જહાજને મુંબઈમાં અટકાવવામાં આવ્યું છે. ભારતીય સુરક્ષા એજન્સીઓને ( Indian security agencies ) આશંકા છે કે આ જહાજમાં કંઈક એવું છે, જેનો ઉપયોગ પાકિસ્તાનના પરમાણુ અને બેલેસ્ટિક મિસાઈલ કાર્યક્રમ માટે થઈ શકે છે. મળતી માહિતીના આધારે, કસ્ટમ અધિકારીઓએ 23 જાન્યુઆરીએ બંદર પર માલ્ટાના ધ્વજવાળા વેપારી જહાજ ( merchant ship ) સીએમએ સીજીએમ અટિલાને મુંબઈ બંદર પર અટકાવી દીધું હતું. જેમાં તપાસ દરમિયાન, તેમાં કોમ્પ્યુટર ન્યુમેરિકલ કંટ્રોલ (CNC) મશીન પણ મળી આવ્યું હતું, જે ઈટાલિયન કંપની દ્વારા બનાવવામાં આવ્યું હતું.
આ મશીન મિસાઈલ બનાવવામાં મહત્વનું છે, જે કોમ્પ્યુટર દ્વારા નિયંત્રિત થાય છે, આ જાતે કરવું શક્ય નથી.ડીઆરડીઓની ( DRDO ) ટીમે જહાજમાં ભરેલા માલનું પણ નિરીક્ષણ કર્યું હતું. તપાસમાં સામે આવ્યું છે કે જહાજમાં ભરેલી વસ્તુઓનો ઉપયોગ પાડોશી દેશ તેના પરમાણુ કાર્યક્રમ માટે કરી શકે છે. નિષ્ણાંતોના મતે પાકિસ્તાનના ( Pakistan ) મિસાઈલ ડેવલપમેન્ટ ( Missile Development ) પ્રોગ્રામમાં આ ઈક્વિપમેન્ટ મહત્વપૂર્ણ સાબિત થઈ શકે છે. ઉલ્લેખનીય છે કે 1996થી CNC મશીનોને વાસેનાર વ્યવસ્થામાં સામેલ કરવામાં આવ્યા છે. તે એક આંતરરાષ્ટ્રીય શસ્ત્ર નિયંત્રણ છે જેનો હેતુ નાગરિક અને લશ્કરી ઉપયોગ બંને સાથે સાધનોના પ્રસારને રોકવાનો છે.
આ સમાચાર પણ વાંચો : NEEPCO: પ્રગતિને બળ આપવા માટે જોડાણ બનાવશે SISSP અને NEEPCO
CNC મશીનોનો ઉપયોગ ઉત્તર કોરિયામાં પરમાણુ કાર્યક્રમો માટે થતો હતો
CNC મશીનોનો ઉપયોગ ઉત્તર કોરિયામાં પરમાણુ કાર્યક્રમો માટે થતો હતો. મુંબઈ પોર્ટના અધિકારીઓએ આ અંગે ભારતીય સુરક્ષા અધિકારીઓને એલર્ટ કરી દીધા હતા.આ પછી, તપાસ કરવામાં આવી હતી અને કન્સાઇનમેન્ટ જપ્ત કરવામાં આવ્યું હતું. વધુમાં સુરક્ષા એજન્સીઓની તપાસમાં સંકેત મળે છે કે, આમાં 22,180 કિલો વજનનું માલ તાઈયુઆન માઈનિંગ ઈમ્પોર્ટ એન્ડ એક્સપોર્ટ કંપની લિમિટેડ દ્વારા મોકલવામાં આવ્યું હતું. તેને કોસ્મોસ એન્જિનિયરિંગ માટે પાકિસ્તાન લઈ જવામાં આવતું હતું. આ પહેલીવાર નથી કે જ્યારે ભારતીય પોર્ટ ઓથોરિટીએ ચીનથી પાકિસ્તાનમાં મોકલવામાં આવતી આવી ડ્યુઅલ યુઝ મિલિટરી-ગ્રેડ વસ્તુઓ જપ્ત કરી છે.
જો કે, અધિકારીઓને ડર છે કે પાકિસ્તાન યુરોપ અને અમેરિકામાંથી પ્રતિબંધિત સામાન મેળવવા માટે ચીનનો માધ્યમ તરીકે ઉપયોગ કરી શકે છે, જેનાથી ઓળખ છુપાવી શકાય છે. આવો જ એક કિસ્સો 2020માં પણ પ્રકાશમાં આવ્યો હતો, જ્યારે મિસાઈલ ઉત્પાદન માટે મહત્વપૂર્ણ એક ઔદ્યોગિક ઓટોક્લેવને પાકિસ્તાન જતી ચીની જહાજ પર ઔદ્યોગિક સાધનો તરીકે છુપાવવામાં આવ્યો હતો. જહાજ પર ભરેલા કાર્ગોમાં ઇટાલિયન કંપની દ્વારા ઉત્પાદિત કમ્પ્યુટર ન્યુમેરિકલ કંટ્રોલ મશીન પણ સામેલ હતું.
