News Continuous Bureau | Mumbai
Mumbai Climate: મહારાષ્ટ્રમાં ક્યાંક વરસાદ છે તો ક્યાંક સખત ગરમી પડી રહી છે. જેમાં મુંબઈ અને થાણેના ( Thane ) લોકોને હજુ પણ ગરમીથી રાહત મળી નથી. આ વિસ્તારના રહીશોને તાપમાનનો તાવ સહન કરવો પડે છે. મુંબઈ, થાણે, પાલઘર જિલ્લાઓને ગુરુવાર સુધી ગરમ અને ભેજવાળી સ્થિતિ માટે યલો એલર્ટ આપવામાં આવ્યું છે. પ્રાદેશિક હવામાન વિભાગે આગાહી કરી છે કે મુંબઈ અને થાણેમાં હીટવેવની શક્યતા છે.
પ્રાદેશિક હવામાન વિભાગે ( IMD ) આગામી બે દિવસ ગરમ હવામાનની આગાહી ( Weather Forecast ) કરી છે. જેમ જેમ ચોમાસું નજીક આવી રહ્યું છે તેમ તેમ મુંબઈની હવામાં ભેજનું ( humidity ) પ્રમાણ વધી ગયું છે અને તેથી ગરમીમાં પણ વધારો થઈ રહ્યો છે. વાતાવરણમાં આવેલા આ બદલાવને કારણે જનજીવન અસ્તવ્યસ્ત થઈ ગયું છે. લોકો આવા ગરમીથી ત્રાહિમામ પોકારી ઉઠ્યા છે. આ વાતાવરણને કારણે મુંબઈકરોની બેચેની વધી ગઈ છે.
Mumbai Climate: છેલ્લા અઠવાડિયાથી ચાલી રહેલ સખત ગરમીનું મોજું આ અઠવાડિયે પણ ચાલુ રહેશે…
છેલ્લા અઠવાડિયાથી ચાલી રહેલ સખત ગરમીનું મોજું ( heat wave ) આ અઠવાડિયે પણ ચાલુ રહેશે અને આજનો દિવસ પણ મુંબઈમાં લોકોને તાપવનારો રહેશે. જેમાં તાપમાન 36 ડિગ્રી રહેશે અને ભેજ 70 ટકાથી વધુ રહેશે. આથી ડૉક્ટરે વધુ પાણી પીવાની સલાહ આપી છે. ઘરની બહાર નીકળતી વખતે જરૂરી પગલાં લેવાની સલાહ આપવામાં આવે છે.
આ સમાચાર પણ વાંચો: Mumbai Water Crisis : મુંબઈગરાઓ ના માથે પાણીકાપ નું સંકટ! જળાશયોમાં હાલ બચ્યુ છે માત્ર આટલુ પાણી..
હવામાન વિભાગે મુંબઈ, થાણે, પાલઘર, રાયગઢ જિલ્લાઓમાં હીટ વેવની ચેતવણી જારી કરી છે. મુંબઈ સહિત ઉપનગરોમાં ભેજવાળું વાતાવરણ રહેશે. સિંધુદુર્ગ, ધુળે, નંદુરબાર, જલગાંવના જિલ્લાઓ પણ ગરમીના મોજા અને ભેજથી પ્રભાવિત થશે, હવામાન વિભાગે સાંગલી, સોલાપુર, પરભણી, હિંગોલી, લાતુર અને ધારાશિવમાં ગરમીની સંભાવના વ્યક્ત કરી છે.
IMDની આગાહી ( IMD forecast ) અનુસાર, દક્ષિણ કોંકણ, મધ્ય મહારાષ્ટ્રના ભાગો અને વિદર્ભના કેટલાક જિલ્લાઓમાં વાવાઝોડા સાથે હળવાથી મધ્યમ વરસાદની શક્યતા છે. રત્નાગીરી, સતારા, પુણે અને અહેમદનગર જિલ્લામાં કેટલાક સ્થળોએ છૂટોછવાયો વરસાદ થઈ શકે છે. કેટલાક વિસ્તારોમાં વાદળછાયું વાતાવરણ રહેશે.
Mumbai Climate: ગઈ કાલે મુંબઈમાં 4300 મેગાવોટ વીજળીનો વપરાશ થયો હતો…
ગઈ કાલે મુંબઈમાં 4300 મેગાવોટ વીજળીનો વપરાશ થયો હતો. આટલી મોટી માત્રામાં વીજળીનો ઉપયોગ પ્રથમ વખત થયો હતો. વીજ પુરવઠો પૂરો પાડવાનો પાવર જનરેશન કંપનીઓ સામે મોટો પડકાર છે.
તો ગ્લોબલ વોર્મિંગને ( Global warming ) કારણે પણ તાપમાન વધી રહ્યું છે. તેની અસર વીજળીની માંગ પર જોવા મળી રહી છે. ટાટા પાવર, બેસ્ટ અને અદાણી મુંબઈમાં વીજળી સપ્લાય કરે છે. વધતી માંગને કારણે કંપનીઓએ વધારાની વીજળી ખરીદવી પડે છે. તેમને આ વીજળી રૂ.12 પ્રતિ યુનિટના ભાવે ખરીદવી પડી શકે છે. જેના કારણે મુંબઈકરોને ભવિષ્યમાં વીજળી મોંઘી થવાની ભીતિ પણ સતાવી રહી છે.
આ સમાચાર પણ વાંચો: Today’s Horoscope : આજે ૨૩ મે ૨૦૨૪, જાણો આજનું રાશિ ભવિષ્ય અને પંચાંગ
