News Continuous Bureau | Mumbai
સોનાની દાણાચોરી(Gold smuggling) કરનારી ટોળકીને અધધધ કહેવાય એમ 4.9 કિલોગ્રામ સોના સાથે મુંબઈના બોરીવલી(Borivali station) સ્ટેશનથી પકડી પાડવામાં આવ્યા છે.
ડિરેકટોરેટ ઓફ રેવન્યુ ઇન્ટેલિજન્સ (DRI)ની મુંબઈની ટીમે બોરીવલી સ્ટેશન પર રાજધાની એક્સપ્રેસ(Rajdhani Express) દ્વારા દિલ્હીથી મુંબઈ લાવવામાં આવી રહેલું 2.5 કરોડ રૂપિયાનું 4.9 કિલો સોનું જપ્ત કર્યું છે. DRI એ આ કેસમાં સોનાની દાણચોરી કરનારા ચારની ધરપકડ કરી છે. આ ચારેય ટ્રોલી બેગમાં(Trolley bag) વિદેશથી ભારતમાં સોનાની દાણચોરી કરતા હતા.
મીડિયામાં આવેલા અહેવાલ મુજબ DRI એ જણાવ્યું હતું કે તેમને મ્યાનમાર(Myanmar) (બર્મા)માંથી સોનાની દાણચોરીની માહિતી મળી હતી. મળેલી ટીપને આધારે DRIની ટીમ બારીકાઈથી શંકાસ્પદ લોકો પર નજર રાખી રહી હતી. આ લોકો બોરીવલી સ્ટેશન પહોંચ્યા હતા એ સાથે જ પોલીસે તેમને અટકાવ્યા હતા અને તેમની ટ્રોલી બેગની તલાશી લીધી.
આ સમાચાર પણ વાંચો : ઔદ્યોગિક ક્ષેત્રે ગુજરાતની સતત હરણફાળ- આ મામલે તો મહારાષ્ટ્રને પણ પાછળ છોડી દીધું-જાણો આંકડા
તલાશી દરમિયાન બેગમાંથી 2.5 કરોડની કિંમતનું 4.9 કિલો સોનું મળી આવ્યું હતું. ધરપકડ કરાયેલા લોકોની ઓળખ અફશાન શેખ, મોઇનુદ્દીન મન્સૂરી, અલ્તાફ મોહમ્મદ મેમણ અને અદનાન રફીક શેખ તરીકે કરવામાં આવી છે.
DRI સૂત્રોના જણાવ્યા અનુસાર અફશાન અને મોઇનુદ્દીનને મ્યાનમારથી ભારતમાં(India) સોનાની દાણચોરી કરવાનું કામ સોંપવામાં આવ્યું હતું. તો અલ્તાફ અને અદનાન બોરીવલી પહોંચતાની સાથે જ તેમની પાસેથી સોનું એકત્ર કરવાના હતા. બાદમાં આ લોકો મુંબઈના ઝવેરી માર્કેટમાં(Zaveri Market) સોનું વેચવા જતા હતા. અલ્તાફ અને અદનાન વિદેશથી સોનું ભારત લાવવા માટે અફશાન અને મોઇનુદ્દીનને 15,000 રૂપિયા આપતા હતા.
DRIના કહેવા મુજબ અત્યાર સુધીની તપાસમાં જાણવા મળ્યું છે કે આ આરોપીઓએ છેલ્લા 10 મહિનામાં લગભગ 60 થી 70 કિલો સોનાની દાણચોરી કરી છે. DRI ની ટીમે ચારેય આરોપીઓ પાસેથી સઘન તપાસ હાથ ધરી છે.
