News Continuous Bureau | Mumbai
Mumbai Local Train Derails : મુંબઈમાં છત્રપતિ શિવાજી મહારાજ ટર્મિનસ ( Chhatrapati Shivaji Maharaj Terminus ) (CSMT) ખાતે હાર્બર લાઇન પર આજે લોકલ ટ્રેનની એક બોગી પાટા પરથી ઉતરી ગઈ હોવાના અહેવાલ સામે આવી રહ્યા છે. જો કે રાહતની વાત એ છે કે આ ઘટનામાં કોઈ મુસાફરને ઈજા થઈ નથી. પરંતુ તેના કારણે મુંબઈની લાઈફલાઈન ગણાતી ( Mumbaikars lifeline ) લોકલ ટ્રેનની અનેક ટ્રેનોને અસર થઈ છે. મધ્ય રેલવે ( central railway ) એ સોશિયલ મીડિયા પર લખ્યું છે કે રાહત અને બચાવ અને ટ્રેક રિપેરનું કામ પૂરજોશમાં ચાલી રહ્યું છે. જોકે મેઈન લાઈનમાં કોઈ અવરોધ નથી.
Mumbai Local Train Derails : CSMT જતી લોકલ ટ્રેન પાટા પરથી ઉતરી ગઈ
મધ્ય રેલવેના પ્રવક્તાએ જણાવ્યું હતું કે પનવેલથી CSMT જતી લોકલ ટ્રેનની બોગી લગભગ 11.35 વાગ્યે પ્લેટફોર્મ નંબર બે પર પહોંચતાની સાથે જ પાટા પરથી ઉતરી ગઈ હતી. તેમણે કહ્યું કે અસરગ્રસ્ત બોગીમાં સવાર મુસાફરોને ઈજા થઈ હોવાના કોઈ સમાચાર નથી. તેમણે કહ્યું કે બોગી પાટા પરથી ઉતરી જવાને કારણે હાર્બર લાઇન પર લોકલ ટ્રેન સેવાઓ ખોરવાઈ ગઈ છે અને સીએમએમટી તરફ આવતી ટ્રેનોને મસ્જિદ સ્ટેશન તરફ વાળવામાં આવી છે.
આ સમાચાર પણ વાંચો : ઘરમાં જોઇએ છે સુખ-શાંતિ અને સમૃદ્ધિ, તો આ દિશામાં રાખો પાણીનું માટલું, દૂર થશે પૈસાની તંગી..
Mumbai Local Train Derails : હાર્બર લાઇન પરની સેવાઓ વડાલા સ્ટેશન સુધી ચાલુ
મધ્ય રેલવેના પ્રવક્તાએ જણાવ્યું કે, હાર્બર લાઇન પરની સેવાઓ વડાલા સ્ટેશન સુધી ચાલુ રહેશે. ટ્રેકનું સમારકામ કરવામાં આવી રહ્યું છે અને મુખ્ય લાઇન પર ટ્રેનોની અવરજવરમાં કોઈ અડચણ નથી. તમને જણાવી દઈએ કે ઓક્ટોબર બાદ લોકલ ટ્રેન પાટા પરથી ઉતરવાની આ ત્રીજી ઘટના છે. અગાઉ 4 ઑક્ટોબરે, જ્યારે એક લોકલ ટ્રેન મુંબઈ સેન્ટ્રલ સ્ટેશનના કાર શેડમાં પ્રવેશી રહી હતી, ત્યારે તેનું એક પૈડું ક્રોસિંગ પોઈન્ટ પર પાટા પરથી ઉતરી ગયું હતું.
