ન્યૂઝ કંટીન્યુઝ બ્યૂરો
મુંબઈ
17 ફેબ્રુઆરી 2021
મુંબઈ શહેરના મેયર કિશોરી પેડણેકર અત્યારે મુંબઈ શહેર ના ખૂણે ખૂણે ફરી રહ્યા છે. લોકલ ટ્રેન, ફળ અને શાકભાજી બજાર, રસ્તાના કિનારે આવેલી દુકાનો, રેસ્ટોરન્ટ અને કેન્ટીનમાં તેઓ અચાનક મુલાકાત લઈ રહ્યા છે.
આ કરવા પાછળનો ઉદ્દેશ્ય એ છે કે તેઓ પોતે વ્યક્તિગત રીતે મુંબઈવાસીઓને સમજાવીને કોરોના સંદર્ભે આગાહ કરવા માંગે છે. તેઓની સાથે મુંબઈ મહાનગર પાલિકાનો ફ્લાઇંગ સ્ક્વોડ સુદ્ધા છે. 
વાત એમ છે કે મુંબઈમાં કોરોના ના કેસ ભયજનક રીતે વધી રહ્યા છે. આ પરિસ્થિતિમાં મુંબઈવાસીઓને કોરોના નો ખતરો સમજાવવા માટે તેઓ પોતે મેદાને ઉતરી પડ્યા છે.
