News Continuous Bureau | Mumbai
Mumbai Metro Update 2026: મુંબઈમાં કાર્યરત મેટ્રો લાઇનોની સંખ્યા ટૂંક સમયમાં વધવાની છે. મેટ્રો ૨બી, મેટ્રો ૯ અને મેટ્રો ૪ લાઇનોના પ્રથમ તબક્કા આ વર્ષે તબક્કાવાર રીતે સેવા માટે ખુલ્લા મુકાશે. આમાંથી બે મહત્વની લાઇનને મેટ્રો રેલ્વે સુરક્ષા કમિશનર (CMRS) તરફથી સુરક્ષા પ્રમાણપત્ર મળી ગયું છે અને ફેબ્રુઆરીના પ્રથમ અથવા બીજા સપ્તાહમાં તેનું લોકાર્પણ થવાની શક્યતા છે.
મેટ્રો ૨બી (ડાયમંડ ગાર્ડન – મંડાલે)
આ લાઇનનો પ્રથમ તબક્કો પૂર્ણ થઈ ગયો છે અને તેને મંજૂરી પણ મળી ગઈ છે. અગાઉ નવેમ્બર-ડિસેમ્બરમાં તેનું લોકાર્પણ થવાનું હતું, પરંતુ આચારસંહિતાને કારણે તે અટકી પડ્યું હતું.
સ્ટેશનો: ડાયમંડ ગાર્ડન, શિવાજી ચોક, BSNL, માનખુર્દ અને મંડાલે.
ફાયદો: માનખુર્દ અને ચેમ્બુર વિસ્તારના મુસાફરોને અત્યંત ઝડપી મુસાફરીનો વિકલ્પ મળશે.
મેટ્રો ૯ (દહિસર પૂર્વ – કાશીગાવ)
મીરા-ભાઈંદરના રહીશો માટે આ લાઇન વરદાન સાબિત થશે. ૧૯ જાન્યુઆરી ૨૦૨૬ના રોજ આ ટપ્પાને સુરક્ષા પ્રમાણપત્ર પ્રાપ્ત થયું છે.
સ્ટેશનો: દહિસર (પૂર્વ), પાંડુરંગ વાડી, મીરાગાવ અને કાશીગાવ.
ફાયદો: દહિસરથી કાશીગાવ સુધીનો પ્રવાસ હવે માત્ર થોડી મિનિટોમાં પૂર્ણ થશે, જેનાથી દહિસર ચેક નાકા પરના ટ્રાફિક જામમાંથી મુક્તિ મળશે.
આ સમાચાર પણ વાંચો : Maharashtra Weather Update: મહારાષ્ટ્રમાં કમોસમી વરસાદની આફત: મુંબઈ અને નવી મુંબઈમાં મેઘરાજાની એન્ટ્રી,જાણો હવામાન વિભાગની આગાહી
મેટ્રો ૪ અને ૪એ (ગાયમુખ – કેડબરી જંક્શન)
ઠાણેના રહીશોનું મેટ્રોમાં મુસાફરી કરવાનું સ્વપ્ન આ જ વર્ષે પૂર્ણ થશે, પરંતુ તેના માટે હજુ થોડા મહિના રાહ જોવી પડશે.
વર્તમાન સ્થિતિ: હાલમાં ગાયમુખ થી વિજય ગાર્ડન વચ્ચે ટ્રાયલ રન (પરીક્ષણ) ચાલી રહ્યા છે.
આગામી તબક્કો: પહેલા ગાયમુખ થી વિજય ગાર્ડન અને ત્યારબાદ વિજય ગાર્ડન થી કેડબરી જંક્શન સુધીનો ભાગ શરૂ કરવામાં આવશે.
સૂત્રોના જણાવ્યા મુજબ, આ મેટ્રો લાઇનોનું લોકાર્પણ વડાપ્રધાન નરેન્દ્ર મોદીના હસ્તે કરાવવાની રાજ્ય સરકારની યોજના છે. મુખ્યમંત્રી સમય ફાળવશે કે તરત જ ફેબ્રુઆરીની શરૂઆતમાં મુંબઈગરાઓ ‘ગારેગાર’ મેટ્રો પ્રવાસનો આનંદ માણી શકશે.
