News Continuous Bureau | Mumbai
Mumbai Rain Red Alert Local Train મુંબઈ, થાણે, નવી મુંબઈ અને પાલઘર સહિતના વિસ્તારોને મેઘરાજાએ ધમરોળ્યા છે. હવામાન વિભાગ દ્વારા મુંબઈ અને પાલઘરમાં વરસાદનું ‘રેડ એલર્ટ’ જાહેર કરવામાં આવ્યું છે. રાતભર ખાબકેલા મુશળધાર વરસાદના કારણે મુંબઈની જીવાદોરી સમાન લોકલ ટ્રેન સેવાઓ ખોરવાઈ ગઈ છે અને પાટા પર પાણી ભરાવાને કારણે તેમજ ટ્રેક નીચેથી માટી ધોવાઈ જવાથી રેલ વ્યવહાર ધીમો પડ્યો છે, જેના કારણે ઓફિસે જતા મુસાફરો ભારે મુશ્કેલીમાં મુકાયા છે.
Mumbai Rain Red Alert Local Train – ભારે વરસાદના કારણે અંધેરી સબવેમાં ૪ ફૂટ પાણી ભરાયું, રેલવે પાટા જળબંબોળ
મીડિયા અહેવાલ મુજબ, મુંબઈ અને ઉપનગરોમાં ગત રાતથી જ અવિરત ભારે વરસાદ ચાલુ છે. આ અતિવૃષ્ટિના કારણે પશ્ચિમ ઉપનગરમાં આવેલો અંધેરી સબવે ત્રણથી ચાર ફૂટ પાણીમાં ગરકાવ થઈ ગયો હતો, જેને સુરક્ષાના કારણે વાહનો માટે બંધ કરવો પડ્યો હતો અને લોકોને ગોખલે બ્રિજનો ઉપયોગ કરવાની અપીલ કરાઈ હતી. જોકે, સવારે વરસાદનું જોર ઘટતાં પંપ દ્વારા પાણી કાઢીને સબવે ફરી શરૂ કરાયો છે. આ ઉપરાંત દાદર અને માટુંગા રેલવે સ્ટેશન પરિસરમાં પાટા પર પાણી ભરાઈ જતાં મધ્ય અને પશ્ચિમ રેલવેની લોકલ ટ્રેનો ૧૫ થી ૨૦ મિનિટ મોડી દોડી રહી છે. નવી મુંબઈમાં કોપરખૈરણે અને ઘંસોલી વચ્ચે ટ્રેક નીચેથી માટી ધોવાઈ જતાં વાશી-ઠાણે ટ્રાન્સહાર્બર રેલવે સેવા પણ આશરે ૪૫ મિનિટ સુધી સંપૂર્ણ બંધ રહી હતી.
Mumbai Rain Red Alert Local Train – મુંબઈના વિવિધ વિસ્તારોમાં રેકોર્ડબ્રેક ૨૨૪ મીમી સુધીનો વરસાદ નોંધાયો
મુંબઈ મહાનગરપાલિકા એટલે કે બીએમસી દ્વારા જાહેર કરાયેલા આંકડા અનુસાર, છેલ્લા સાડા આઠ કલાકમાં મુંબઈના ઘણા વિસ્તારોમાં પૂર જેવી સ્થિતિ સર્જાઈ છે. વરસાદના સત્તાવાર આંકડાઓ નીચે મુજબ છે:
રામ મંદિર વિસ્તાર: ૨૨૪ મિલીમીટર (અતિમુશળધાર)
કુલાબા: ૨૧૮.૫ મિલીમીટર (અતિમુશળધાર)
સાન્તાક્રુઝ: ૨૧૦.૬ મિલીમીટર (અતિમુશળધાર)
સાયન: ૧૮૨.૫ મિલીમીટર (ભારે વરસાદ)
વિક્રોલી અને વિદ્યાવિહાર: ૧૮૧ મિલીમીટરથી વધુ વરસાદ બીએમસીના અહેવાલ મુજબ દાદર ઈસ્ટમાં સ્વામીનારાયણ મંદિર પાસે એક મોટું ઝાડ ધરાશાયી થયું છે. મુંબઈમાં આ વરસાદના કારણે વાતાવરણમાં ઠંડક પ્રસરી ગઈ છે પરંતુ જનજીવન અસ્તવ્યસ્ત થઈ ગયું છે.
Mumbai Rain Red Alert Local Train – કોંકણ અને વસઈ-વિરારમાં પણ પૂરની સ્થિતિ, આગામી કલાકો માટે નવી ચેતવણી
મુંબઈ ઉપરાંત વસઈ, વિરાર અને નાલાસોપારાના નીચાણવાળા વિસ્તારો જેવા કે સેન્ટ્રલ પાર્ક અને અચોલે રોડ પર ઘૂંટણસમા પાણી ભરાઈ ગયા છે અને જો વરસાદ ચાલુ રહેશે તો લોકોના ઘરોમાં પાણી ઘૂસી જવાની આશંકા છે. હવામાન વિભાગે મુંબઈ, થાણે, રાયગઢ, પાલઘર અને સિંધુદુર્ગ માટે આગામી સમય માટે ઓરેન્જ એલર્ટ પણ આપ્યું છે અને આગામી કલાકોમાં ૪૦ થી ૬૦ કિમીની ઝડપે પવન ફૂંકાવાની સાથે વીજળીના કડાકા-ભડાકા થવાની સંભાવના છે. કોંકણ વિસ્તારની વાત કરીએ તો, રાયગઢમાં આગામી ચાર દિવસ યલો એલર્ટ છે, જ્યારે રત્નાગિરી જિલ્લામાં આજે રેડ એલર્ટ અને આવતીકાલે ઓરેન્જ એલર્ટ જાહેર કરવામાં આવ્યું છે.
👉 આ સમાચાર વાચો:
US Iran Nuclear Inspection Dispute ઈરાનના પરમાણુ પ્લાન્ટ્સ પર અમેરિકાની કડક નજર, ટ્રમ્પની ધમકીથી વૈશ્વિક રાજકારણ ગરમાયું
