Mumbai Rains: મુંબઈમાં ભારે વરસાદ વચ્ચે મહિલા મેનહોલમાં પડી, 100 મીટર સુધી વહી ગઈ; ફાયરમેને આ રીતે બચાવી; જુઓ રેસ્ક્યુ ઓપરેશન..

Mumbai Rains: બુધવારે રાત્રે અંધેરીના MIDC વિસ્તારમાં એક 45 વર્ષીય મહિલા ખુલ્લા ગટરમાં પડી જતાં ડૂબી ગઈ હતી. આ ઘટના રાત્રે 9.20 વાગ્યાની આસપાસ બની હતી.દરમિયાન મુંબઈમાં ભારે વરસાદ ચાલુ રહ્યો હતો. મહિલાને મુંબઈ ફાયર બ્રિગેડના કર્મચારીઓ દ્વારા નાળામાંથી બહાર કાઢવામાં આવી હતી અને કૂપર હોસ્પિટલમાં લઈ જવામાં આવી હતી, જ્યાં પહોંચતા જ તેણીને મૃત જાહેર કરવામાં આવી હતી.

Google ન્યુઝ માં જોડાવા માટે અહીં ક્લિક કરો :

kalpana Verat

2 years ago

Mumbai Rains 45-Year-Old Woman Dies After Falling Into Open Drain in Andheri

Mumbai Rains: મુંબઈમાં ભારે વરસાદ વચ્ચે એક ચોંકાવનારી ઘટના સામે આવી છે. મુંબઈના અંધેરી વિસ્તારમાં એક મહિલા મેનહોલમાં પડી હતી. મહિલાને બહાર લાવવા માટે લગભગ એક કલાક સુધી સર્ચ ઓપરેશન હાથ ધરવામાં આવ્યું હતું. ઘણી જહેમત બાદ 100 મીટર દૂર સુધી તણાઈ ગયેલી મહિલાને ત્રીજા ઢાંકણામાંથી બહાર કાઢી શકાઈ. ફાયરમેને મહિલાને બચાવવાનો ઘણો પ્રયાસ કર્યો, પરંતુ કમનસીબે તેનું મૃત્યુ થયું.

Join Our WhatsApp Channel

Mumbai Rains: મહિલાને મૃત જાહેર કરવામાં આવી

પોલીસના જણાવ્યા અનુસાર મહિલાનું નામ વિમલ અનિલ ગાયકવાડ (45) છે. મેનહોલમાંથી બહાર કાઢ્યા બાદ મહિલાને કૂપર હોસ્પિટલમાં લઈ જવામાં આવી હતી, પરંતુ ડૉક્ટરોએ તેને મૃત જાહેર કરી હતી. કૂપર હોસ્પિટલના સીએમઓ ડૉ. જ્યોતિના જણાવ્યા અનુસાર, રાત્રે 11.37 વાગ્યે મહિલાને મૃત જાહેર કરવામાં આવી હતી.

Mumbai Rains: બચાવનો વિડીયો જુઓ

#મુંબઈના #અંધેરીમાં ભારે #વરસાદ વચ્ચે મહિલા #મેનહોલમાં પડી, 100 મીટર સુધી વહી ગઈ; જુઓ વિડીયો..#MumbaiRain #Andheri #heavyrainfall #Drain #Mumbai #MumbaiWeather #MumbaiRains #newscontinuous #NEWS #NewsUpdates #rainalert pic.twitter.com/LoendKYFi2

— news continuous (@NewsContinuous) September 26, 2024

તમને જણાવી દઈએ કે બુધવારે બપોરથી મુંબઈના ઘણા વિસ્તારોમાં વરસાદ પડી રહ્યો છે. સ્થિતિ વણસી ગયા બાદ આજે (26 સપ્ટેમ્બર) મુંબઈમાં શાળા-કોલેજો બંધ રાખવાનો નિર્ણય લેવામાં આવ્યો છે. BMC પ્રશાસને નાગરિકોને અપીલ કરી છે કે તેઓ ઘરમાં જ રહે અને અત્યંત જરૂરી હોય ત્યારે જ બહાર નીકળે.

આ સમાચાર પણ વાંચો : Mumbai Rain : મુંબઈમાં માત્ર 5 કલાકમાં 200 mm ખાબક્યો વરસાદ, આટલા લોકોનો લીધો ભોગ; જાણો આંકડા..

મહત્વનું છે કે મુલુંડ, ચેમ્બુર અને ઘાટકોપર સહિત મુંબઈના કેટલાક ઉપનગરો ભારે વરસાદને કારણે ભારે પ્રભાવિત થયા હતા. નીચાણવાળા વિસ્તારો પાણીમાં ગરકાવ થઈ ગયા હતા, અને પાણી ભરાઈ જવાને કારણે રસ્તાઓ અગમ્ય બની ગયા હતા. વિદ્યાવિહાર અને મુલુંડ સ્ટેશનો વચ્ચે પાણી ભરાવાને કારણે લોકલ ટ્રેન સેવા પણ મોડી પડી હતી.