News Continuous Bureau | Mumbai
Mumbai Riots : મુંબઈ 1993ના રમખાણોના ફરાર આરોપીની ( Mumbai Riots accused ) હવે 31 વર્ષ બાદ શિવડી વિસ્તારમાંથી ધરપકડ કરવામાં આવી હતી. પકડાયેલા આરોપીનું નામ સૈયદ નાદિર શાહ અબ્બાસ ખાન છે. સૈયદ ગુના સમયે યુવાન હતો, હવે તેની ઉંમર 65 વર્ષ છે.
રફી અહેમદ કિડવાઈ માર્ગ પોલીસે આ કાર્યવાહી કરી હતી. સૈયદ વિરુદ્ધ 1993માં ( Mumbai Riots 1993 ) રફી અહેમદ કિડવાઈ માર્ગ પોલીસ સ્ટેશનમાં રમખાણો અને હત્યાના પ્રયાસનો કેસ નોંધવામાં આવ્યો હતો. 1993ના મુંબઈ રમખાણો દરમિયાન સૈયદ નાદિર શાહ અબ્બાસ ખાનની ( Sayyad Nadir Shah Abbas Khan ) રફી કિડવાઈ માર્ગ પોલીસે ધરપકડ કરી હતી. આરોપી તે સમયે ઈસ્માઈલ બિલ્ડીંગ, સખારામ લાંજેકર માર્ગ, શિવડીમાં રહેતો હતો. આ બાદ આરોપી 31 વર્ષ પહેલા જામીન પર બહાર આવ્યો હતો અને કોર્ટે તેની સામે બિનજામીનપાત્ર વોરંટ જારી કર્યા બાદ તે ફરાર થઈ ગયો હતો. જેમાં કોર્ટની તારીખોમાં આરોપીએ હાજરી આપવાનું બંધ કરી દીધું હતું. આ પછી કોર્ટે તેને ફરાર જાહેર કર્યો હતો.
Mumbai Riots : શિવડીમાં પોલીસે છટકુ ગોઠવીને કરી આરોપીની ધરપકડ…
પોલીસે ( Mumbai Police ) તેના ઘરે જઈને તેની વારંવાર પૂછપરછ કરી હતી, પરંતુ તેના પરિવારના સભ્યો પોલીસને તેના વિશે કોઈ માહિતી આપવામાં આનાકાની કરી રહ્યા હતા અને કહ્યું હતું કે તેઓ તેના વિશે કંઈ જાણતા નથી. આથી ફરાર આરોપીઓ વિશે કોઈ માહિતી મળી શકી નથી.
આ સમાચાર પણ વાંચો: Ladki Bahin Yojana : CM શિંદેએ મારી લાડકી બહેન યોજના માટે હવે અરજી કરવાની અંતિમ તારીખ 31 ઓગસ્ટ સુધી લંબાવી.
અંતે પોલીસે ફરાર આરોપીના પરિવારજનોનો મોબાઈલ નંબર મેળવી તે મોબાઈલ નંબરનો કોલ રેકોર્ડ ડેટા મેળવ્યો હતો અને તેનું ટેકનિકલી પૃથ્થકરણ કરવામાં આવ્યું હતું, તેમજ ફરાર આરોપી શિવડી વિસ્તારમાં તેના પરિવારને મળવા આવતો હોવાની તેવી પોલીસને બાતમી પણ મળી હતી. બાતમીના આધારે કામગીરી કરતા પોલીસે શિવડી વિસ્તારમાં છટકું ગોઠવ્યું હતું અને સૈયદ નાદિર શાહ અબ્બાસ ખાનની ધરપકડ કરવામાં આવી હતી.
