News Continuous Bureau | Mumbai
બનાવટી ગુડ્સ એન્ડ સર્વિસ ટેક્સ (GST)ની પાવતી(fake GST receipts) બનાવનારી ગેંગનો પર્દાફાશ કરવામાં સફળતા મળી છે. ચીફ કમિશનર ઑફ ગુડ્સ એન્ડ સર્વિસ ટેક્સ(Chief CGST) (CGST) અને એક્સાઈઝ ડ્યુટી(Excise duty), મુંબઈ (દક્ષિણ)ની ઑફિસ દ્વારા જારી કરવામાં આવેલી પ્રેસ રિલીઝ અનુસાર, CGST મુંબઈ (દક્ષિણ) કમિશનરેટના અધિકારીઓએ આ કાર્યવાહી હાથ ધરી હતી.
મિડિયામાં આવેલા અહેવાલ મુજબ ટોળકી પાસેથી મોટા પ્રમાણમાં GSTની બનાવટી રસીદો મળી આવી છે. રૂ. 455 કરોડના બોગસ પાવતીઓનો(bogus receipts) ઉપયોગ રૂ. 27.59 કરોડની બનાવટી GST ઇનપુટ ટેક્સ ક્રેડિટ(Input tax credit) મેળવવા માટે કરવામાં આવ્યો હતો. આ પ્રકરણમાં એક ખાનગી લિમિટેડ કંપનીના ડિરેક્ટરની(Private Limited Company director) ધરપકડ પણ કરવામાં આવી હોવાનું જાણવા મળ્યું છે.
સેન્ટ્રલ ગુડ્સ એન્ડ સર્વિસ ટેક્સ મુંબઈ સાઉથ કમિશનરેટની(Central Goods and Services Tax Mumbai South Commissionerate) એન્ટિ-ટેક્સ ઇવેઝન વિંગે(Anti-Tax Evasion Wing) એક કંપની વિરુદ્ધ તપાસ શરૂ કરી. તપાસ દરમિયાન જાણવા મળ્યું હતું કે કરદાતા(taxpayer) રજિસ્ટર્ડ સ્થળ(Registered place) પર વ્યવસાય કરતા ન હતા. કંપનીના ડિરેક્ટરોએ તપાસમાં ભાગ લીધો ન હતો અને છેલ્લા કેટલાક મહિનાઓથી ફરાર હતા. જો કે, તે 20 ઓગસ્ટના રોજ તપાસમાં જોડાયો હતો અને તેનું નિવેદન નોંધવામાં આવ્યું હતું જેમાં તેણે ટેક્સ ફ્રોડમાં તેની ભૂમિકા સ્વીકારી હતી.
આ સમાચાર પણ વાંચો : લો બોલો- સોનાના મણીનો વરસાદ પડી રહ્યો હોવાની અફવા મચાવી અફરાતફરી- આ હાઈવે થઈ ગયો ઠપ્પ
મિડિયાના અહેવાલ મુજબ સંબંધિત કંપનીએ રૂ. 14.15 કરોડની બોગસ ઇનપુટ ટેક્સ ક્રેડિટનો દાવો કર્યો હતો અને રૂ. 13.44 કરોડની ઇનપુટ ટેક્સ ક્રેડિટ વિવિધ અસ્તિત્વમાં ન હોય તેવી કંપનીઓની તરફેણમાં ડાયવર્ટ કરી હતી. CGST એક્ટ, 2017 ની જોગવાઈઓના ઘોર ઉલ્લંઘનમાં, વાસ્તવિક પુરવઠા અથવા રસીદ વિના અસ્વીકાર્ય ઇનપુટ ટેક્સ ક્રેડિટ મેળવવા માટે છેતરપિંડીથી રૂ. 455 કરોડના નકલી ઇનવોઇસ(Fake invoice) જારી કરવામાં આવ્યા હતા. તપાસ દરમિયાન એકત્ર કરાયેલા ભૌતિક પુરાવા અને આ કર છેતરપિંડીમાં તેની કબૂલાતના આધારે આરોપીની ધરપકડ કરવામાં આવી હતી. મેજિસ્ટ્રેટે તેને 14 દિવસની જ્યુડિશિયલ કસ્ટડીમાં મોકલી દીધો હતો.
અહીં ઉલ્લેખનીય છે કે નાણાકીય વર્ષ 2021-22માં, CGST મુંબઈ દક્ષિણ કમિશનરેટે રૂ. 949 કરોડની માલસામાન અને સેવાઓ કરચોરીનો પર્દાફાશ કર્યો હતો. 18 કરોડની વસૂલાત અને 9 કરચોરોની ધરપકડ હતી.. ચાલુ નાણાકીય વર્ષમાં CGST મુંબઈ દક્ષિણ કમિશનરેટના અધિકારીઓ દ્વારા આ છઠ્ઠી ધરપકડ કરવામાં આવી છે.
