News Continuous Bureau | Mumbai
Mumbai: દેશનો સૌથી લાંબો અને આધુનિક દરિયાઈ પુલ ( Sea bridge ) તૈયાર થઈ ગયો છે. જેનું ઉદ્ઘાટન ( Inauguration ) 12 જાન્યુઆરીએ વડાપ્રધાન નરેન્દ્ર મોદી કરશે. મુંબઈથી નવી મુંબઈને જોડતો આ પુલ દેશનો સૌથી મોટો દરિયાઈ પુલ છે જે 22 કિલોમીટર લાંબો છે. આ સાથે દક્ષિણ મુંબઈથી નવી મુંબઈનું અંતર આસાનીથી કવર થઈ જશે. આ બ્રિજની સૌથી મોટી ખાસિયત એ છે કે તેની નીચેથી દુનિયાનું સૌથી મોટું કાર્ગો જહાજ પણ પસાર થઈ શકે છે. હવે આ પુલનું પૂરું નામ જાણીએ. તો આ પુલનું પૂરું નામ છે- અટલ બિહારી વાજપેયી શિવડી ન્વાશેવા અટલ સેતુ. મુખ્યમંત્રી કાર્યાલયે જણાવ્યું છે કે MTHL, અટલ સેતુનું ( Atal Setu ) ઉદ્ઘાટન 12 જાન્યુઆરીએ વડાપ્રધાન નરેન્દ્ર મોદી ( Narendra Modi ) દ્વારા કરવામાં આવશે.
A new marvel of connectivity is set to be unveiled!
PM Shri @narendramodi will inaugurate the magnificent Atal Setu Mumbai Trans Harbour Link, a 21.8 km long bridge on sea, on 12 January 2024. pic.twitter.com/Fi0ZpEJkgh
— BJP (@BJP4India) January 9, 2024
એક અહેવાલ અનુસાર, મુંબઈ પોલીસે ( Mumbai Police ) કહ્યું હતું કે “જાહેર જોખમ, અવરોધો અને અસુવિધા” અટકાવવા માટે ભારતના સૌથી લાંબા દરિયાઈ પુલ પર ગતિ મર્યાદા લાદી છે. તેમ જ ₹18,000 કરોડના ખર્ચે બનેલ, MTHL બ્રિજ મુંબઈમાં શિવડીથી શરૂ થાય છે અને રાયગઢ જિલ્લાના ઉરણ તાલુકાના ન્હાવા શેવા ખાતે સમાપ્ત થાય છે. આ પુલ પર મલ્ટી-એક્સલ ભારે વાહનો, ટ્રક અને મુંબઈ તરફ જતા બસોને ઈસ્ટર્ન ફ્રીવેમાં પ્રવેશવા દેવામાં આવશે નહીં. તેમ જ મલ્ટી-એક્સલ ભારે વાહનો, ટ્રક અને મુંબઈ તરફ જતા બસોને આગળની અવરજવર માટે મુંબઈ પોર્ટ- શિવડી એક્ઝિટ (એક્ઝિટ 1C) નો ઉપયોગ કરવો પડશે અને ‘ગાડી અડ્ડા’ નજીક MBPT રોડ લેવો પડશે, એમ પોલીસે અહેવાલમાં માહિતી આપતા કહ્યું હતું.
#WATCH | Maharashtra CM Eknath Shinde inspects the Mumbai Trans Harbour Link. pic.twitter.com/Pn6E5onzJ7
— ANI (@ANI) January 6, 2024
જાણો આ પુલની શું છે ખાસ વિશેષતાઓ..
– મુંબઈ ટ્રાન્સ હાર્બર લિન્ક (MTHL) પર ફોર-વ્હીલર માટેની મહત્તમ ગતિ મર્યાદા 100 kmph હશે, આ અંગે મુંબઈ પોલીસે બુધવારે જણાવ્યું હતું.
– મોટરસાયકલ, મોપેડ, થ્રી-વ્હીલર, ઓટો, ટ્રેક્ટર, અને ધીમી ગતિએ ચાલતા વાહનો માટે આ બ્રિજ પર નો એન્ટ્રી રહેશે.
– MTHL એ 6-લેન સી લિંક પુલ છે, જે સમુદ્ર પર 16.50 કિલોમીટર અને જમીન પર 5.5 કિલોમીટર ફેલાયેલો છે.
– વાહનચાલકો આ બ્રિજ દ્વારા મુંબઈ અને નવી મુંબઈ વચ્ચેનું અંતર માત્ર 20 મિનિટમાં કાપી શકશે, અન્યથા તેમાં 2 કલાકનો સમય લાગતો હતો.
આ સમાચાર પણ વાંચો : Vibrant Gujarat Global Summit 2024: વાઈબ્રન્ટ ગુજરાત બન્યું ઉદ્યોગની ગંગા.. અંબાણીથી લઈને આ દિગ્ગજ ઉદ્યોગપતિઓએ ગુજરાત માટે કરી પોતાની તિજોરી ખાલી..
– બ્રિજની ચડતી અને ઉતરતી વખતે સ્પીડ 40 કિમી પ્રતિ કલાક સુધી મર્યાદિત રહેશે.
– કાર, ટેક્સી, મિની બસ અને ટુ-એક્સલ બસો જેવા વાહનોની સ્પીડ લિમિટ 100 કિલોમીટર પ્રતિ કલાક રહેશે.
– દરિયાઈ પુલ પર મોટરસાઈકલ, ઓટોરિક્ષા અને ટ્રેક્ટરને મંજૂરી આપવામાં આવશે નહીં.
– આ પુલ આર્ટિફિશિયલ ઈન્ટેલિજન્સવાળા 400 સીસીટીવી કેમેરાથી સજ્જ છે.
– દર વર્ષે શિયાળામાં દરિયામાં આવતા ફ્લેમિંગો પક્ષીને પણ ધ્યાનમાં રાખીને, આ બ્રિજની બાજુમાં સાઉન્ડ બેરિયર લગાવવામાં આવ્યા છે.
– આ બ્રિજ પરથી ભાભા એટોમિક રિસર્ચ સેન્ટર (BRC) ના કોઈ ફોટોગ્રાફ્સ કે વિડિયો ન લેવાય તેની ખાતરી કરવા માટે વ્યુ બેરિયર લગાવવામાં આવ્યો છે.
– એવી લાઈટો લગાવવામાં આવી છે કે તે માત્ર બ્રિજ પર જ પડે છે અને દરિયાઈ જીવોને નુકસાન પહોંચાડતી નથી.
