News Continuous Bureau | Mumbai
છેલ્લા કેટલાક દિવસોથી મુંબઈ આતંકવાદીઓના નિશાના(Targets of terrorists) પર હોય તેમ લાગી રહ્યું છે. મુંબઈ ટ્રાફિક પોલીસને(Mumbai Traffic Police) વોટ્સએપ(WhatsApp) પર ધમકી મળ્યાના થોડા જ દિવસો બાદ હવે શહેરની મોટી હોટલને બોમ્બથી ઉડાવી(bombed) દેવાની ધમકી(Bomb Threat) આપવામાં આવી છે. કોઈ અજાણ્યા વ્યક્તિએ હોટલ પર ફોન કરીને મુંબઈની લલિત હોટલમાં(lalit hotel) બોમ્બ રાખવાની વાત કરી હતી.
આ સમાચાર પણ વાંચો : દક્ષિણ મુંબઈનો આ મહત્વપૂર્ણ બ્રીજ વર્ષ 2024 સુધી બંધ
પ્રાપ્ત જાણકારી મુજબ સોમવારે સાંજે 6 વાગે એક અજાણ્યા વ્યક્તિએ હોટલ પર ફોન કરીને કહ્યું હતું કે હોટલમાં ચાર જગ્યાએ બોમ્બ રાખવામાં આવ્યા છે. ફોન કરનારે બોમ્બ ડિફ્યુઝ(Bomb Diffuse) કરવા માટે હોટલ પ્રશાસન(Hotel Administration) પાસેથી 5 કરોડ રૂપિયા પણ માંગ્યા હતા. હોટેલે આ અંગેની માહિતી પોલીસને આપી અને પોલીસે દરેક જગ્યાએ તપાસ કરી, પરંતુ પોલીસને કંઈ મળ્યું નહીં, ત્યારબાદ સહાર પોલીસે અજાણ્યા વ્યક્તિ વિરુદ્ધ આઈપીસીની કલમ(Section of IPC) 385, 336 અને 507 હેઠળ કેસ નોંધીને તપાસ શરૂ કરી. આરોપીઓને શોધવા માટે સાયબર પોલીસની પણ મદદ લેવામાં આવી રહી છે. અત્યાર સુધીની તપાસમાં કોઈ નક્કર માહિતી સામે આવી નથી.
