ન્યુઝ કન્ટિન્યુઝ બ્યુરો,
મુંબઈ, 24 ફેબ્રુઆરી 2022,
ગુરુવાર,
બાળપણમાં, કદાચ દરેકને રમત દરમિયાન નાના ઝઘડાઓનો સામનો કરવો પડ્યો હશે. પરંતુ, જો વડીલો વચ્ચે ઉગ્ર બોલાચાલી થાય અને તે પણ ચાલતી ટ્રેનમાં લુડો રમવા માટે, તો લોકો તેની ચિંતા કરવાને બદલે તેની વધુ મજા લેવા લાગે છે. બુધવારે પણ આવું જ કંઈક બન્યું હતું.
મીડિયામાં પ્રકાશિત અહેવાલો મુજબ ચર્ચગેટ તરફ જતી લોકલ ટ્રેનમાં કેટલાક મુસાફરો લુડો રમી રહ્યા હતા. તે જ સમયે, રમતને લઈને મુસાફરો લુડો રમવાને લઈને ઉગ્ર ચર્ચા કરવા લાગ્યા. આ ચર્ચા ધીમે ધીમે લડાઈમાં ફેરવાઈ ગઈ. આ દરમિયાન કેટલાક મુસાફરોએ દરમિયાનગીરી કરવાનો પ્રયાસ કર્યો, તો કેટલાકે વીડિયો બનાવવામાં રસ લીધો અને તેને સોશિયલ મીડિયા પર પોસ્ટ કર્યો. ત્યારપછી આ વીડિયો સોશિયલ મીડિયા પર વાયરલ થયો છે.
लुडो गेमवरुन चर्चगेट लोकलमध्ये प्रवाशांची हाणामारी#MumbaiLocal |#Passenger |#Contro |#LudoGame pic.twitter.com/YOOmvkmkfU
— Vaijanta Gogawale (@VaijantaJourno) February 23, 2022
શું અમિતાભના બંગલા 'પ્રતિક્ષા' પર ચાલશે BMCનું બુલડોઝર? હાઈકોર્ટે આપ્યો આ આદેશ; જાણો વિગત
પોલીસ અધિકારીના જણાવ્યા અનુસાર આ બુધવારે ઘટના સવારે 11.30 વાગ્યે ચર્ચગેટથી ઉપનગરીય સ્ટેશન જતી લોકલ ટ્રેનમાં બની હતી. ત્રણેય મુસાફર મોબાઈલ ફોન પર લુડો ગેમ રમી રહ્યા હતા. ગેમ દરમિયાન તેમાંથી એકે બીજા મુસાફરને કોણી વડે ધક્કો માર્યો, જેનાથી તેમની વચ્ચે દલીલ થઈ. આ પછી જોડિયા ભાઈઓએ સાથી મુસાફરને માર મારવાનું શરૂ કર્યું.
પ્રાથમિક તપાસમા જાણવા મળ્યું કે આ ઘટનામાં સામેલ ત્રણ મુસાફરો મુંબઈ મેટ્રોપોલિટન રિજનમાં સ્થિત નાલાસોપારા અને ભાયંદર વિસ્તારના રહેવાસી છે. હવે આ મામલે દહિસર રેલવે પોલીસે બંને મુસાફરો વિરૂદ્ધ કેસ નોંધીને તેમની ધરપકડ કરી છે.
