News Continuous Bureau | Mumbai
હાલમાં મુંબઈમાં મેટ્રો 1 (ઘાટકોપર-વર્સોવા), મેટ્રો 2A અને મેટ્રો 7 (ગુંદવલીથી દહિસર) નામની ત્રણ મેટ્રો સેવાઓ સંપૂર્ણ ક્ષમતા સાથે શરૂ થઈ છે. મોનો ટ્રેન પણ ચાલી રહી છે.
દરમિયાન મેટ્રો 1એ મુસાફરોની સુવિધા માટે વોટ્સએપ દ્વારા ઈ-ટિકિટ વિતરણ વ્યવસ્થા શરૂ કરી છે. ત્યારે રેલવેએ મુસાફરો માટે યાત્રી એપ શરૂ કરી છે. જેમાં મુસાફરોને મેટ્રો સહિત મોનો ટ્રેનની સેવાઓની માહિતી ઉપલબ્ધ કરાવવામાં આવી છે. આમાં ત્રણેય મેટ્રો અને મોનો ટ્રેનોના સમયપત્રક પણ ઉપલબ્ધ કરાવવામાં આવ્યું છે.
વોટ્સએપ પર ટિકિટ
મુસાફરો હવે WhatsAppનો ઉપયોગ કરીને મેટ્રો 1ની ટિકિટ બુક કરી શકશે. મુસાફરોએ અંગ્રેજીમાં Hi વોટ્સએપ મેસેજ 9670008889 પર મોકલવો જોઈએ. ત્યારપછી મેટ્રો 1 પરથી ટિકિટ કલેક્ટ કરવાની લિંક મોકલવામાં આવશે. તે લિંક 5 મિનિટ માટે સક્રિય રહેશે. તે લિંકનો ઉપયોગ કરીને ઇચ્છિત મુસાફરીની ટિકિટ ઓનલાઈન બુક કરી શકાય છે. તેના આધારે ટિકિટ માટે કોઈ પણ કતાર લગાવ્યા વિના સીધા મેટ્રો સ્ટેશનમાં પ્રવેશી શકે છે.
આ સમાચાર પણ વાંચો: મુંબઈ ની હવા બની વધુ ઝેરી, માયાનગરીએ પ્રદૂષણના મામલે દિલ્હીને પણ છોડી દીધું પાછળ.. પહોંચ્યું આ ક્રમે..
