News Continuous Bureau | Mumbai
ભિવંડીમાં માય સ્કૂલના સંગઠન વતી વિદ્યાર્થીઓ દ્વારા આયોજિત વિરોધ પ્રદર્શનમાં એક ચોંકાવનારી ઘટના બની. આ દરમિયાન પ્રદર્શનકારી વિદ્યાર્થીઓએ પાકિસ્તાન ઝિંદાબાદના નારા લગાવ્યા હતા. જે બાદ અફરાતફરી મચી ગઈ હતી. પોલીસે વિરોધ કરી રહેલા 19 વિદ્યાર્થીઓને કસ્ટડીમાં લીધા હતા.
ભાષણ આપતી વખતે સૂત્રોચ્ચાર
છેલ્લા 3 દિવસથી ભિવંડીમાં વિદ્યાર્થીઓ વિરોધ પ્રદર્શન કરી રહ્યા છે. આ વિદ્યાર્થીઓને માય સ્કૂલ સંગઠનનો સહયોગ મળ્યો છે. આ વિદ્યાર્થીઓએ તેમની માંગણીઓ સ્વીકારવા માટે મહાનગરપાલિકા સામે ધરણા કર્યા હતા. પરંતુ આ વિરોધ પ્રદર્શન દરમિયાન એક વિદ્યાર્થીએ ભાષણ આપ્યું અને પાકિસ્તાન ઝિંદાબાદના નારા લગાવ્યા. આ પછી અહીં અફડાતફડી મચી ગઈ હતી.
આ સમાચાર પણ વાંચો : World Cup 2023 : 2023 વર્લ્ડ કપ માટે 20 ક્રિકેટર્સને કરાયા શોર્ટલિસ્ટ, જાણો સંભવિત ખેલાડીઓમાં કોણ કોણ છે..
19 લોકો પોલીસ કસ્ટડીમાં
આ ઘટનાની માહિતી મળતા જ પોલીસ ઘટના સ્થળે પહોંચી ગઈ હતી. આ દરમિયાન પ્રદર્શનકારીઓ અને પોલીસ વચ્ચે ઘર્ષણ થયું હતું અને પોલીસે હળવો લાઠીચાર્જ કરવો પડ્યો હતો. પોલીસે અત્યાર સુધીમાં 14 પુરુષો અને 5 મહિલાઓ સહિત 19 લોકોની અટકાયત કરી છે.
