News Continuous Bureau | Mumbai
એસી લોકલમાં ટેક્નિકલ ખામીને કારણે ટ્રેનનો ટ્રાફિક ખોરવાતો આપણે ઘણીવાર જોયો છે. આવું જ કંઈક ફરી એકવાર બન્યું છે. પશ્ચિમ રેલ્વેના મુસાફરો દ્વારા એસી લોકલ રોકવાની ઘટના આજે બની હતી. ટ્રેનમાં એસી કામ કરતું ન હોવાથી મુસાફરોએ લોકલ રોકી દીધી હતી. બાંદ્રા સ્ટેશન પર આ હંગામો થયો હતો.
મળતી માહિતી મુજબ એસી લોકલ સવારે 7.56 વાગ્યે વિરારથી ચર્ચગેટ જવા રવાના થઈ હતી. પરંતુ ટ્રેનમાં AC કામ કરતું ન હોવાથી મુસાફરોએ બાંદ્રા સ્ટેશન પર લોકલનો દરવાજો બંધ થવા દીધો ન હતો. લગભગ 5 થી 10 મિનિટ સુધી આ હંગામો ચાલુ રહ્યો હતો. મુસાફરોના હંગામા બાદ ટ્રેનમાં એસી ચાલુ કરવામાં આવ્યું હતું અને ત્યારબાદ આ એસી લોકલ રવાના કરવામાં આવી હતી.
આ સમાચાર પણ વાંચો : કુસ્તીબાજોનું વિરોધ પ્રદર્શન: 28 મેના રોજ નવા સંસદ ભવન સામે ‘દંગલ’ યોજાશે! કુસ્તીબાજો મહિલા મહાપંચાયત કરશે
ભૂતકાળમાં AC લોકલ માં AC યોગ્ય રીતે કામ કરતું ન હોવાની અનેક ફરિયાદો ઉઠી છે. ટ્રેનમાં એસી યોગ્ય રીતે કામ કરતું ન હોવાથી મુસાફરોને હાલાકી ભોગવવી પડે છે.
