News Continuous Bureau | Mumbai
મુંબઈમાં રેલવે સ્ટેશનથી 150 મીટરની અંદર ફેરિયાવાળાઓને ધંધો કરવા પર પ્રતિબંધ છે, ત્યારે મલાડ રેલ્વે સ્ટેશનની બહાર હોકરોએ જગ્યા એવી રીતે બ્લોક કરી દીધી છે કે આ હોકર્સ દ્વારા રિક્ષાઓ અને અન્ય વાહનોને પણ અવરોધ ઊભો થાય છે.
નોંધપાત્ર વાત તો એ છે કે ફૂટપાથ પર ફેરિયાઓએ એવી રીતે કબજો જમાવી લીધો છે કે લોકોને ફૂટપાથ પર ચાલવાની જગ્યા નથી, તેનો લાભ લઈને દુકાનદારોએ પણ ફૂટપાથ બ્લોક કરી દીધા છે.
મુંબઈ મ્યુનિસિપલ એડમિનિસ્ટ્રેશનના વરિષ્ઠ અધિકારીઓના નિર્દેશો તેમજ સુપ્રીમ કોર્ટના નિર્દેશો અનુસાર રેલ્વે સ્ટેશનથી 150 મીટરની અંદર વેચાણ કરવા બેઠેલા હોકર્સ સામે કાર્યવાહી કરવાનો નિર્દેશ આપવામાં આવ્યો છે. તે મુજબ, કેટલાક વિભાગોમાં આનો અમલ કરવામાં આવી રહ્યો છે, પરંતુ મલાડમાં રેલ્વે સ્ટેશનની આજુબાજુમાં હોકરોએ પોતાનો ધંધો શરૂ કર્યો છે.
મલાડ પશ્ચિમ તરફના સ્ટેશન રોડ પરના સ્ટેશનથી બહાર નીકળ્યા પછી, હૉકરોએ રસ્તાની જગ્યા બ્લોક કરી દીધી છે. રિક્ષાચાલકો પેસેન્જરો માટે રાહ જોઇને ઉભા રહેતા હોવાથી આ રોડ પર ચાલતા અન્ય વાહનોની સાથે બેસ્ટની બસોને પણ ભીડમાંથી પસાર થવું પડે છે. મહત્વનું છે કે આ ફૂટપાથને સુધારવા માટે કરોડો રૂપિયાનો ખર્ચ કરવામાં આવી રહ્યો છે, પરંતુ તેનો ઉપયોગ જનતા કરતાં હોકર્સ દ્વારા વધુ કરવામાં આવી રહ્યો છે.
આ સમાચાર પણ વાંચો : સાવચેત રહેજો.. દેશમાં ઝડપથી ફેલાઈ રહ્યો છે H3N2 ઈન્ફલ્યુએન્ઝા વાયરસ, અત્યાર સુધીમાં આટલા લોકોએ ગુમાવ્યા જીવ.. જાણો શું છે લક્ષણો
આ ઉપરાંત સ્ટેશન બહાર રોડની બંને બાજુની ફૂટપાથ પર દુકાનદારોએ કબજો જમાવ્યો છે . જેથી નાગરિકોએ ફૂટપાથના બદલે રસ્તા પર ચાલવું પડે છે. અહીંનો રસ્તો વન-વે હોવાથી આ વિસ્તારમાં રોડના અડધા ભાગ પર હોકરોએ કબ્જો કરી લીધો હોવાથી ફૂટપાથ અને રોડ બરાબર કોના માટે છે તેવો પ્રશ્ન ઊભો થાય છે.
ખાસ વાત તો એ છે કે આ વિસ્તારોમાં ફૂટપાથ પર હોકર્સ અને દુકાનદારો દ્વારા કબજો કરવામાં આવ્યો હોવાથી હવે પાલિકા વહીવટીતંત્ર શું કરી રહ્યું છે તેવો સવાલ નાગરિકો કરી રહ્યા છે. સ્થાનિક રહીશોના જણાવ્યા મુજબ હવે ફેરિયાઓને મહાનગરપાલિકાનો ડર નથી.
