News Continuous Bureau | Mumbai
રાષ્ટ્રપતિ દ્રૌપદી મુર્મુ (Draupadi Murmu) ગુરુવારથી મુંબઈ (Mumbai) ની બે દિવસીય મુલાકાતે છે. રાષ્ટ્રપતિ તરીકે આ તેમની પ્રથમ મુંબઈ મુલાકાત છે. મુંબઈ એરપોર્ટ પર રાજ્યપાલ રમેશ બૈસ, મુખ્ય પ્રધાન એકનાથ શિંદે, દેવેન્દ્ર ફડણવીસે રાષ્ટ્રપતિનું સ્વાગત કર્યું. તેમના આગમન બાદ તરત જ રાષ્ટ્રપતિને ત્રણેય સેનાઓએ સલામી આપી હતી. આ પછી રાષ્ટ્રપતિ રાજભવન પહોંચ્યા અને બાદમાં પ્રભાદેવી પહોંચ્યા અને ભગવાન ગણેશના દર્શન કર્યા અને આરતી કરી હતી.
આ પ્રસંગે મંદિર ટ્રસ્ટ સમિતિ દ્વારા રાષ્ટ્રપતિ શ્રીમતી દ્રૌપદી મુર્મુ (Draupadi Murmu) નું પરંપરાગત રીતે ગણપતિની મૂર્તિ ભેટ આપીને સ્વાગત કરવામાં આવ્યું હતું.
આ દરમિયાન રાજ્યપાલ રમેશ બૈસ, શ્રી સિદ્ધિવિનાયક ગણપતિ મંદિર ટ્રસ્ટ (Sri Siddhivinayak Ganapati Mandir Trust) સમિતિના પ્રમુખ આદેશ બાંદેકર સહિત ટ્રસ્ટીઓ, ટ્રસ્ટ સમિતિના કાર્યકારી અધિકારી નંદા રાઉત, રાષ્ટ્રપતિ કાર્યાલયના વરિષ્ઠ અધિકારીઓ ઉપસ્થિત રહ્યા હતા.
આ સમાચાર પણ વાંચો : Tomato Price : મુંબઈમાં પેટ્રોલ કરતાં મોંઘા થયા ટામેટા, જાણો અન્ય શાકભાજીના નવા ભાવ શું છે?
