News Continuous Bureau | Mumbai
Rare Loggerhead Turtle Rescue મુંબઈ (Mumbai) ના દરિયાકાંઠે સુરક્ષા અને પેટ્રોલિંગ કરી રહેલા પોલીસ અને સુરક્ષા જવાનોએ માનવતા અને વન્યજીવ સંરક્ષણનું ઉત્તમ ઉદાહરણ પૂરું પાડ્યું છે. મઝગાંવ ડૉક પાસે દરિયાઈ પેટ્રોલિંગમાં રહેલી ‘મુંબઈ નૌકા૦૩’ ના ક્રૂ મેમ્બરોએ પાણીની સપાટી પર સંઘર્ષ કરી રહેલા એક કાચબાને જોયો હતો અને તેને સુરક્ષિત રીતે બચાવી લીધો હતો.
Rare Loggerhead Turtle Rescue – જવાનોની સતર્કતાથી પાણીમાં સંઘર્ષ કરતા કાચબાનો બચાવ
કાચબાની અસામાન્ય સ્થિતિ અને તેની તકલીફ પારખીને, જવાનોએ ત્વરિત કાર્યવાહી કરી તેને સુરક્ષિત રીતે હોડી પર (બોર્ડ પર) લીધો હતો. આ અંગે તાત્કાલિક સાઉથ કંટ્રોલ રૂમમાં જાણ કરવામાં આવી હતી.
Rare Loggerhead Turtle Rescue – મેન્ગ્રોવ ફાઉન્ડેશન સાથે સંકલન સાધી સારવાર અર્થે ખસેડાયો
આ અંગે વન્યજીવ સંરક્ષણ માટે જાણીતી ‘મૅન્ગ્રોવ ફાઉન્ડેશન’ (Mangrove Foundation) ની મરીન વાઇલ્ડલાઇફ રેસ્ક્યૂ ટીમ સાથે પરામર્શ કરી સંકલન સાધવામાં આવ્યું હતું. તપાસ દરમિયાન આ દરિયાઈ જીવ અત્યંત દુર્લભ ગણાતી ‘લોગરહેડ’ પ્રજાતિનો હોવાનું સ્પષ્ટ થયું હતું.
Rare Loggerhead Turtle Rescued – મરીન લાઇફ ક્લિનિકમાં ચાલી રહી છે યોગ્ય સારવાર
જવાનો અને રેસ્ક્યૂ ટીમ દ્વારા આ કાચબાને તાત્કાલિક ધોરણે સારવાર માટે મરીન લાઇફ ક્લિનિક ખાતે સલામત રીતે ખસેડવામાં આવ્યો હતો, જ્યાં તેની યોગ્ય કાળજી અને સારવાર ચાલી રહી છે.
👉 આ સમાચાર વાચો:
Police Return Lost Property આઝાદીના ૮૦મા પર્વ પર વેસ્ટ રીજન૨ પોલીસે અંદાજે રૂ. ૧.૧૫ કરોડની કિંમતી ખોવાયેલી મિલકત સાચા માલિકોને પરત સોંપી
