News Continuous Bureau | Mumbai
Santacruz Chembur Link Road Flyover મુંબઈના વાહનચાલકો અને મુસાફરો માટે એક રાહતના સમાચાર આવ્યા છે. સાંતાક્રુઝચેમ્બુર લિંક રોડ (SCLR) ના બાંદ્રાકુર્લા કોમ્પ્લેક્સ (BKC) એક્સટેન્શન ફ્લાયઓવરનું નિર્માણ કાર્ય હવે આખરી તબક્કામાં પહોંચી ગયું છે. મુંબઈ મેટ્રોપોલિટન રીજન ડેવલપમેન્ટ ઓથોરિટી (MMRDA) દ્વારા આ ફ્લાયઓવરનું બાકીનું કામ ઝડપથી પૂરું કરવામાં આવી રહ્યું છે, જેનાથી ઈસ્ટર્ન અને વેસ્ટર્ન એક્સપ્રેસ હાઈવે વચ્ચેનો પ્રવાસ વધુ ઝડપી અને સરળ બનશે.
Santacruz Chembur Link Road Flyover – SCLR BKC એક્સટેન્શન પ્રોજેક્ટની કામગીરી પૂર્ણતાના આરે
MMRDA ના જણાવ્યા અનુસાર, SCLR એક્સટેન્શન યોજના હેઠળ તૈયાર થઈ રહેલા આ ફ્લાયઓવરનું સિવિલ વર્ક લગભગ પૂરું થવા આવ્યું છે. હવે ફિનિશિંગ, રોડ સરફેસિંગ અને સેફ્ટી સાઇનેજ લગાડવાની કામગીરી ચાલી રહી છે. આ એક્સટેન્શન ફ્લાયઓવર સંપૂર્ણ રીતે કાર્યરત થતાંની સાથે જ BKC અને કુરલા વિસ્તારોમાં દરરોજ સર્જાતા ભારે ટ્રાફિક જામમાંથી વાહનચાલકોને મોટી નિજત મળશે.
Santacruz Chembur Link Road Flyover – ઈસ્ટર્ન અને વેસ્ટર્ન સબર્બ્સ વચ્ચે કનેક્ટિવિટી મજબૂત થશે
આ નવો ફ્લાયઓવર સેન્ટ્રલ મુંબઈ અને ઈસ્ટર્ન સબર્બ્સમાંથી BKC તરફ આવતા વાહનોને સીધો જ વેસ્ટર્ન એક્સપ્રેસ હાઈવે અને એરપોર્ટ સાથે જોડશે. આનાથી મુસાફરોને કુરલા અને BKC ના ગીચ સિગ્નલો પર થોભવું નહીં પડે, જેના કારણે મુસાફરીનો સમય આશરે ૨૦ થી ૨૫ મિનિટ જેટલો ઘટી જશે અને ઈંધણની પણ બચત થશે.
Santacruz Chembur Link Road Flyover – ટૂંક સમયમાં જાહેર જનતા માટે ખુલ્લો મુકાશે
MMRDA ના ઉચ્ચ અધિકારીઓએ ખાતરી આપી છે કે તમામ સલામતી તપાસો અને કમિશનિંગ પ્રક્રિયા પૂર્ણ કર્યા બાદ ટૂંક સમયમાં આ ફ્લાયઓવરને વાહનવ્યવહાર માટે ખુલ્લો મૂકવામાં આવશે. મુંબઈના ઈન્ફ્રાસ્ટ્રક્ચર ડેવલપમેન્ટમાં આ ફ્લાયઓવર મહત્વપૂર્ણ ભૂમિકા ભજવશે અને BKC બિઝનેસ ડિસ્ટ્રિક્ટમાં અવરજવર કરતા લાખો નોકરિયાતો માટે આશીર્વાદરૂપ સાબિત થશે.
👉 આ સમાચાર વાચો:
AntiPaper Leak Bill નવું ‘એન્ટી પેપર લીક બિલ’ લાવવાથી શું બદલાશે, જુના કાયદાથી કેટલું અલગ છે અને તેનાથી વિદ્યાર્થીઓને શું ફાયદો થશે? જાણો
