ન્યુઝ કન્ટિન્યુઝ બ્યુરો
મુંબઈ, 5 ઓક્ટોબર, 2021
મંગળવાર
કોરોના મહામારીને કારણે લાંબા સમય સુધી બંધ રહ્યા બાદ શાળાઓને સોમવારથી ફરી શરૂ કરવામાં આવી છે.
મુંબઈ મહાનગરપાલિકાની 755 શાળાઓમાં 8 થી 10 ના વર્ગો 4 ઓક્ટોબર 2021થી શરૂ થયા હતા, તેમાં 30,250 વિદ્યાર્થીઓ અને 4,776 શિક્ષકો તેમજ 875 ટીચિંગ સ્ટાફ હાજર રહ્યા હતા.
વિદ્યાર્થીઓ અને શિક્ષકોનાં પુનરાગમનથી ક્લાસરૂમ્સ ફરી જીવંત બની ગયા છે.
શાળાઓને કોવિડ-19 નિયંત્રણો અને સરકારી ગાઈડલાઈન્સના પાલન સાથે જ ફરી શરૂ કરવાની પરવાનગી આપવામાં આવી છે.
ઉલ્લેખનીય છે કે મહારાષ્ટ્ર સરકાર અને મુંબઈ મહાનગરપાલિકાએ 4 ઓક્ટોબરથી મુંબઈમાં વિગતવાર ગાઈડલાઈન્સ હેઠળ 8-12 ધોરણના વર્ગો ફરી શરૂ કરવાની ગત 30 સપ્ટેમ્બરે જાહેરાત કરી હતી.
