ન્યુઝ કન્ટિન્યુઝ બ્યુરો
મુંબઈ, ૨૬ જૂન ૨૦૨૧
શનિવાર
મુંબઈ મેટ્રોપોલિટન રીજન ડેવલપમેન્ટ ઑથૉરિટીએ દહાણુકરવાડી અને આરે વચ્ચે મેટ્રો માર્ગ 2-A અને 7 ઉપર પ્રોટોટાઇપ મેટ્રો રૅકનું ટ્રાયલ અને ટેસ્ટિંગ શરૂ કરી દીધું છે, પરંતુ સ્ટેશનો તૈયાર થવામાં હજી સમય લાગશે એવું સ્પષ્ટપણે દેખાઈ રહ્યું છે. જોકેઆ મેટ્રોને જ્યાંથી લીલી ઝંડી દેખાડાઈ હતી એ સંપૂર્ણપણે તૈયાર થઈ ગયું છે.
બંને મેટ્રો માર્ગ આવરી લેતાં આ ૨૦ કિલોમીટરના પટ્ટામાં વચ્ચેના અન્ય સ્ટેશનો હજી તૈયાર થયાં નથી. MMRDAએ દાવો કર્યો છે કે મેટ્રો-7 અને 2-Aનો ચારકોપ-આરે-દહિસર પરનો આ ભાગ ચાલુ વર્ષના ઑક્ટોબર સુધીમાં કૉમર્શિયલ વપરાશ માટે ચાલુ થઈ જશે.MMRDAના અધિકારીઓના મતાનુસાર કામરાજ નગરથી દહિસરની મેટ્રો-2-Aનો પ્રથમ તબક્કો નવેમ્બર ૩૦ સુધીમાં તૈયાર થઈ જશે. દરમિયાન ઓવરીપાડાથી આરે સુધીનાં સ્ટેશનો મેટ્રો લાઇન-7માં આવતાં હોવાથી એ ૩૦ ઑક્ટોબર સુધીમાં સંપૂર્ણ સજ્જ થઈ જશે.
ઉલ્લેખનીય છે કે સ્ટેશનો પર પ્રવેશદ્વાર સિવાયનું તમામ માળખાકીય કામ પૂર્ણ થઈ ગયું છે. મેટ્રો માર્ગ-2-A પર કામરાજનગરથી દહિસર પટ્ટા પર ફિનિશિંગનું ૮પ ટકા કામ થઈ ચૂક્યું છે. જ્યારે ઓવરીપાડાથી આરે મેટ્રો-7માં આવતાં નવ સ્ટેશનોનું ૭૮ ટકા કામ પૂર્ણ થઈ જવા આવ્યું છે.
