News Continuous Bureau | Mumbai
Teenage Stabbing In Govandi મુંબઈના ગોવંડી સ્થિત શિવાજીનગર ખાતે શાળાના વિદ્યાર્થીઓ વચ્ચેના ઝઘડામાં બચાવ કરવા જનાર ૧૬ વર્ષીય કિશોર પર તેના જ મિત્ર દ્વારા ચપ્પુથી જીવલેણ હુમલો કરવામાં આવ્યો હોવાની ઘટના સામે આવી છે. આ હુમલામાં કિશોરના છાતી અને પેટના ભાગે ગંભીર ઈજાઓ થઈ છે અને તેને સાયન હોસ્પિટલમાં દાખલ કરવામાં આવ્યો છે.
Teenage Stabbing In Govandi – રિસેસના ઝઘડાની અદાવતમાં ટ્યુશન પરથી પરત ફરતી વખતે હુમલો
ઘટનાની વિગતો મુજબ, રિસેસ દરમિયાન ધોરણ ૧૦ માં અભ્યાસ કરતા પીડિત કિશોરના મિત્રએ અન્ય વિદ્યાર્થીને લાફો માર્યો હતો. પીડિત કિશોરે વચ્ચે પડીને મામલો શાંત કરાવ્યો હતો, જેની અદાવત રાખીને આરોપી વિદ્યાર્થીએ ટ્યુશન પતાવીને ઘરે પરતી રહેલા કિશોરને રોકીને છાતી અને પેટના ભાગે ચપ્પુના ઘા મારી દીધા હતા.
Teenage Stabbing In Govandi – પોલીસ દ્વારા હત્યાના પ્રયાસનો ગુનો નોંધીને તપાસ શરૂ
ગંભીર રીતે ઘાયલ થયેલા કિશોરને સ્થાનિક રહેવાસીઓની મદદથી તાત્કાલિક હોસ્પિટલમાં ખસેડવામાં આવ્યો હતો, જ્યાં તેની હાલત સ્થિર હોવાનું જણાવવામાં આવે છે. પિતાની ફરિયાદના આધારે શિવાજીનગર પોલીસે આરોપી વિરુદ્ધ હત્યાના પ્રયાસ સહિતની કલમો હેઠળ ગુનો નોંધીને તેની શોધખોળ શરૂ કરી છે.
👉 આ સમાચાર વાચો:
Pydhonie Police Seizes MD Drugs પાયધુની પોલીસની મોટી કાર્યવાહી ૧૩ લાખની કિંમતના એમડી ડ્રગ્સ સાથે ત્રણ શખ્સોની ધરપકડ
