News Continuous Bureau | Mumbai
Mumbai Winter Update: મુંબઈમાં ઉત્તર દિશાના પવનોએ હવામાનમાં મોટો ફેરફાર કર્યો હતો. જેના કારણે મંગળવારે આખો દિવસ ઠંડી રહી હતી. પ્રાદેશિક હવામાન વિભાગે આગાહી ( IMD Forecast ) કરી છે કે મુંબઈમાં સપ્તાહના અંત સુધી આ ઠંડી ચમકારાનો અનુભવ થશે. જેના કારણે મુંબઈકરોને આ વર્ષે સ્વેટર અને શાલનો ઉપયોગ કરવાનો મોકો પણ મળી શકે છે.
મુંબઈમાં મંગળવારે સવારે સાંતાક્રુઝમાં લઘુત્તમ તાપમાન ઘટીને 16.2 ડિગ્રી સેલ્સિયસ થઈ ગયું હતું. કોલાબામાં તાપમાન 18.8 ડિગ્રી સેલ્સિયસ હતું. કોલાબામાં મંગળવારે સરેરાશ કરતાં 0.6 ડિગ્રી અને સાંતાક્રુઝમાં સરેરાશ કરતાં 1.1 ડિગ્રી ઓછું નોંધાયું હતું. પરંતુ સોમવારની સરખામણીએ મુંબઈમાં લઘુત્તમ તાપમાનમાં ( temperature ) મોટો ઘટાડો નોંધાયો હતો. સાંતાક્રુઝમાં લઘુત્તમ તાપમાન 2.5 ડિગ્રી અને કોલાબામાં ( Colaba ) સોમવાર કરતાં 3.2 ડિગ્રી ઓછું હતું. પ્રાદેશિક હવામાન વિભાગની ( Regional Meteorological Department ) આગાહી મુજબ આજે લઘુત્તમ તાપમાન 16 ડિગ્રીની આસપાસ રહેશે જ્યારે ગુરુવારે, 18 જાન્યુઆરીથી સોમવાર, 22 જાન્યુઆરી સુધી લઘુત્તમ તાપમાન 17 થી 18 ડિગ્રીની વચ્ચે રહી શકે છે.
ઉત્તર દિશાના પવનોની અસર લઘુત્તમ તાપમાનની સાથે સાથે મહત્તમ તાપમાન પર પણ પડી છે. મંગળવારે સાંતાક્રુઝમાં મહત્તમ તાપમાન 29.2 ડિગ્રી સેલ્સિયસ અને કોલાબામાં 28.6 ડિગ્રી સેલ્સિયસ નોંધાયું હતું. સોમવારે બંને કેન્દ્રો પર મહત્તમ તાપમાન 31 ડિગ્રી સેલ્સિયસથી ઉપર હતું. મંગળવારે દિવસ દરમિયાન મુંબઈમાં તપારો ઓછો થતા અને ઠંડી રહેતા મુંબઈગરોએ આહલાદક વાતાવરણનો અહેસાસ કર્યો હતો. 22 જાન્યુઆરી સુધીની આગાહી મુજબ મુંબઈમાં મહત્તમ તાપમાન પણ 28 થી 29 ડિગ્રીની વચ્ચે રહેશે. તેમજ રવિવારથી ઠંડુગાર વાતાવરણ રહ્યું છે, પવનની દિશા બદલાતા ધુમ્મસ ગાયબ થઇ ગયું છે. આ ચોખ્ખું આકાશ સોમવાર સુધી ચાલુ રહે તેવી પણ શક્યતા છે.
રાજ્યમાં આવતા સપ્તાહ સુધી તાપમાન ઘટાડો રહેશે…
મંગળવારે માત્ર મુંબઈ જ નહીં કોંકણપટ્ટામાં પણ લઘુત્તમ તાપમાનમાં મોટો ઘટાડો નોંધાયો છે. રત્નાગીરીમાં ( Ratnagiri ) લઘુત્તમ તાપમાન 16.3 ડિગ્રી, અલીબાગમાં 14.6 ડિગ્રી અને દહાણુમાં 15.5 ડિગ્રી સેલ્સિયસ નોંધાયું હતું. હર્નમાં લઘુત્તમ તાપમાન 19.4 ડિગ્રી સેલ્સિયસ નોંધાયું હતું, પરંતુ 24 કલાકમાં તાપમાન 5.6 ડિગ્રી સેલ્સિયસ જેટલું ઘટી ગયું છે. અલીબાગ અને દહાણુમાં મહત્તમ તાપમાન પણ 28 ડિગ્રી સેલ્સિયસથી નીચે નોંધાયું હતું.
આ સમાચાર પણ વાંચો : Ram Mandir: અયોધ્યામાં રામ મંદિરના પ્રાણ પ્રતિષ્ઠા મહોત્સવ માટે મોરારી બાપુને મળ્યું આમંત્રણ.. આ તારીખથી કરશે અયોધ્યામાં રામકથા..
મહારાષ્ટ્ર, અહમદનગર, નાસિક, જલગાંવમાં પ્રાદેશિક હવામાન વિભાગની આગાહી મુજબ મંગળવારે લઘુત્તમ તાપમાન 10 ડિગ્રી સેલ્સિયસથી નીચે નોંધાયું હતું. જેઉર, માલેગાંવમાં લઘુત્તમ તાપમાન 11.4 ડિગ્રી સેલ્સિયસ અને સાતારામાં 12.4 ડિગ્રી સેલ્સિયસ નોંધાયું હતું. આ કારણે મહારાષ્ટ્રના અંતરિયાળ વિસ્તારોમાં પણ કડકડતી ઠંડીનો અનુભવ થઈ રહ્યો છે. મરાઠવાડા વિભાગના છત્રપતિ સંભાજી નગરમાં પણ મંગળવારે તાપમાન 9.2 ડિગ્રી સેલ્સિયસ હતું.
રાજ્યમાં આવતા સપ્તાહ સુધી લઘુત્તમ તાપમાનમાં આવા જ ઘટાડા સાથે ફુલગુલાબી ઠંડીનું ( Winter ) ખુશનુમા વાતાવરણ રહેશે તેવી અનુમાન છે. તેમ જ 26મી જાન્યુઆરીના દિવસે રજા આવતી હોવાથી મુંબઈવાસીઓ રાજ્યમાં ઠંડીનો અનુભવ કરવા માટે પ્રવાસનું આયોજન કરે તેવી શક્યતા છે.
