ડૉર ટુ ડૉર જઈને BMC આપવા માગે છે રસી, જોકે નગરસેવક અને વૉર્ડ ઑફિસર નક્કી કરશે રસી કઈ રીતે આપવી; જાણો વિગત
ન્યુઝ કન્ટિન્યુઝ બ્યુરો
મુંબઈ, 22 મે 2021
શનિવાર
મુંબઈમાં વધુમાં વધુ લોકોને અને એ પણ ઝડપથી રસી મળી એ માટે BMC ઘરે-ઘરે જઈને રસી આપવા માગે છે. જોકે સ્થાનિક નગરસેવક અને વૉર્ડ ઑફિસર નક્કી કરશે કે લોકોને રસી કઈ રીતે આપવી. લોકો સુધી કેવી રીતે પહોંચવું?
સામાન્ય રીતે પાલિકા પોતાના તમામ પ્રોજેક્ટને અમલમાં મૂકવા માટે નગરસેવકોને વિશ્વાસમાં લઈને કામ કરતી હોય છે, પરંતુ 2022માં મુંબઈ મહાનગરપાલિકાની ચૂંટણી થવાની છે, ત્યારે નગરસેવકોને આગળ કરીને રસી ઉપર પણ રાજકારણ રમાઈ રહ્યું હોવાનુંચર્ચાઈ રહ્યું છે.
અહીં ઉલ્લેખનીય છે કે ઘરે-ઘરે જઈને રસી આપવા સંદર્ભે પાલિકા કેન્દ્ર સરકારની અને બૉમ્બે હાઈ કોર્ટની મંજૂરીની રાહ જોઈ રહી છે. મંજૂરી મળી જાય તો પાલિકા પોતાનું કામ ચાલુ કરશે. જોકે સ્થાનિક સ્તરે એ કામ BMCના વૉર્ડ ઑફિસર અને નગરસેવકે કરવાનું રહેશે.
કયા વિસ્તારમાં કોણ છે? કેટલી વસતી છે? એ તમામ બાબતોની જાણકારી નગરસેવકો તથા વૉર્ડ ઑફિસરની પાસે હોય છે. એથી આ જવાબદારી તેમણે જ લેવાની રહેશે એવી સ્પષ્ટતા પાલિકા કમિશનર ઇકબાલસિંહ ચહલે કરી છે.
