ન્યુઝ કન્ટિન્યુઝ બ્યુરો
મુંબઈ, 29 સપ્ટેમ્બર, 2021
બુધવાર
લગ્ન માટે છોકરા કે છોકરીનો જોડામેળ જમાવવાનું કામ સમાજમાં અમુક લોકો સામાજિક જવાબદારી તરીકે કરતા હતા. સમય જતાં આ કામ કમર્શિયલ બની ગયું. આજે ફી લઈને મૅચ-મેકરો વર-કન્યાની જોડીઓ ગોઠવે છે. આવી જ રીતે એક મહિલાએ તગડી ફી આપીને મૅચ-મેકરને મુરતિયા શોધવાનું કામ સોંપ્યું હતું. કામ બરાબર ન થતાં આખરે મહિલાએ કન્ઝ્યુમર કોર્ટમાં જવું પડ્યું.
મહારાષ્ટ્રમાં ભારે વરસાદની આગાહી, મુંબઈ સહિત આ અન્ય જિલ્લાઓ માટે IMDએ જાહેર કર્યું એલર્ટ
આઠ વર્ષ પહેલાં મહિલાએ એક મૅચ-મેકર સાથે ડીલ કરી હતી. મૅચ-મેકરે દર મહિને ૧૫ મુરતિયા બતાવવાનું વચન આપ્યું હતું. મુરતિયાના બાયોડેટા, ફોટોગ્રાફ તેમ જ તેનાં માતાપિતા સાથે વાત કરીને લગ્ન નક્કી કરાવવાની વાત થઈ હતી. આ કામ માટે મહિલાએ વર્ષ 2012માં 55 હજાર રૂપિયાનો ચેક આપ્યો હતો. જોકે આ મૅચ-મેકર પોતાની ડીલ પ્રમાણે કામ કરતો ન હોવાથી મહિલા અને તેના પિતાએ ઈ-મેઇલ ફરિયાદ મોકલી હતી. જેનો કોઈ જવાબ ન મળ્યો, ત્યાર બાદ મહિલાએ મૅચ-મેકરની સર્વિસ પડતી મૂકીને રિફંડ માગ્યું હતું. તેણે રિફંડ આપવાની ના પાડતાં મહિલા કન્ઝ્યુમર કોર્ટમાં ગઈ હતી.
આ કેસના ચુકાદામાં ગ્રાહક અદાલતે આગામી ૩0 દિવસમાં 55 હજાર રૂપિયા અને 5 હજાર ખર્ચ તરીકે મહિલાને ચૂકવવાનો આદેશ મૅચ-મેકરને આપ્યો છે.
