News Continuous Bureau | Mumbai
આજના યુગમાં મહિલાઓ દરેક ક્ષેત્રે પુરુષ સમોવડી બની છે. દરેક ક્ષેત્રે મહિલાઓ પોતાનો ડંકો વગાડી રહી છે. મહિલાઓએ દરેક ક્ષેત્રમાં પુરૂષોની બરાબરી કરી લીધી છે. દરેક જગ્યાએ તેમનું સન્માન થાય છે . અંતિરક્ષથી લઈને માઈનિંગ સુધીનું કોઈ પણ ક્ષેત્ર એવું નથી કે જ્યાં મહિલાઓએ પોતાનું વર્ચસ્વ સાબિત ના કર્યું હોય. હવે આ જ દિશામાં આગળ વધીને મુંબઈમાં ચાલુ થયેલ નવી બે મેટ્રો સ્ટેશનના સંચાલનની જવાબદારી મહિલાઓને સોંપવામાં આવી છે. મેટ્રો ચલાવવાથી લઈને સ્ટેશનનું મેનેજમેન્ટ અને પ્રવાસીઓની સુરક્ષા સહિતના તમામ કામકાજની જવાબદારી મહિલાઓ નિભાવશે.
આંતરરાષ્ટ્રીય મહિલા દિવસ 8 માર્ચે છે. પરંતુ તે પહેલાં, મહિલા કર્મચારીઓને સશક્ત બનાવવાની એક મોટી પહેલમાં, મુંબઈ મેટ્રોએ જાહેરાત કરી છે કે મુંબઈમાં નવી ચાલુ થયેલાં બે મેટ્રો સ્ટેશનના સંચાલનની જવાબદારી મહિલાઓને સોંપવામાં આવી છે. આ સ્ટેશન લાઇન 2A પર આકુર્લી સ્ટેશન અને લાઇન 7 પર એકસર સ્ટેશન છે, જે આ વર્ષે જાન્યુઆરીમાં સંપૂર્ણ રીતે કાર્યરત થઈ ગયા છે. આ મુંબઈ મેટ્રોપોલિટન રિજન ડેવલપમેન્ટ ઓથોરિટી અને મહા મુંબઈ મેટ્રો ઓપરેશન કોર્પોરેશન લિમિટેડ દ્વારા ઐતિહાસિક પહેલનો એક ભાગ છે.
બંને સ્ટેશનો હવે તમામ મહિલા સ્ટાફની 76 સભ્યોની ટીમ દ્વારા સંચાલિત છે, સ્ટેશન મેનેજરથી લઈને ત્યાં તૈનાત સુરક્ષા કર્મચારીઓ સુધી. તેઓ ત્રણ શિફ્ટમાં કામ કરે છે અને સ્ટેશન કંટ્રોલર, ટિકિટ સેલ્સ ઓફિસર, શિફ્ટ સુપરવાઈઝર, કસ્ટમર કેર ઓફિસર, સુરક્ષા, હાઉસકીપિંગ વગેરેનો સમાવેશ થાય છે તે તમામ ફરજો બજાવે છે. આ બંને સ્ટેશનોની કાર્યક્ષમ, સલામત અને સ્વચ્છ કામગીરી સુનિશ્ચિત કરે છે.
આ સમાચાર પણ વાંચો : હોળી પર મુસાફરો માટે ખાસ વ્યવસ્થા, પશ્ચિમ રેલવે ફેસ્ટિવલ માટે દોડાવાશે સ્પેશિયલ ટ્રેન, જુઓ ટ્રેનની યાદી..
મુંબઈ મેટ્રોએ જણાવ્યું હતું કે તે સમગ્ર નેટવર્કમાં મહિલાઓ માટે અલગ ચેન્જિંગ રૂમ, નિયુક્ત મહિલા કોચ, વોશરૂમ અને ટોલ-ફ્રી હેલ્પલાઈન નંબર બનાવીને મહિલાઓ માટે સલામત કાર્યકારી વાતાવરણ પ્રદાન કરવા આતુર છે. ઓપરેશનલ સ્ટાફ ઉપરાંત, મુંબઈ મેટ્રોમાં કુલ 958 મહિલાઓ HR, જાળવણી, વહીવટમાં કામ કરે છે, જેમાં આઉટસોર્સ સ્ટાફનો સમાવેશ થાય છે.
આ પહેલનો ઉદ્દેશ્ય આ ઉપક્રમ માત્ર પરિવહન વ્યવસાયની મહિલાઓની ક્ષમતા સિદ્ધ કરવા માટેનો ના હોઈ અન્ય મહિલાઓએ પણ આ ક્ષેત્રમાં કરિયર બનાવવા વિશે વિચારવું જોઈએ એ માટે પ્રોત્સાહિત કરવાનો છે.
