News Continuous Bureau | Mumbai
Water Cut: મુંબઈ મહાનગરપાલિકાના ( BMC ) બુધવારે બપોરે 2.30 વાગ્યાની આસપાસ પિસે ખાતે સ્થિત વોટર પમ્પિંગ સ્ટેશન પ્લાન્ટમાં ખામી સર્જાઈ હતી. પરિણામે 20 માંથી 13 એલિવેશન પંપ બંધ થઈ ગયા હતા. આ ઘટનાને કારણે મુંબઈના પૂર્વ ઉપનગરો, ટ્રોમ્બે લો લેવલ રિઝર્વોયર, ટ્રોમ્બે હાઈ લેવલ રિઝર્વોયર, ઘાટકોપર લો લેવલ રિઝર્વોયર તેમજ એફ સાઉથ, એફ નોર્થ, ગોલંજી, ફોસબેરી, રાવલી અને ભંડારવાડા જળાશયોમાંથી થતો પાણી પુરવઠો ( Water supply ) બંધ થઈ ગયો હતો. તેથી હવે જ્યાં સુધી સમારકામ પૂર્ણ ન થાય ત્યાં સુધી ઓછા દબાણે પાણી પુરવઠો રહેશે.
મુંબઈ 2 અને 3માં પાણી પુરવઠો પાઈપલાઈનમાંથી ( pise pumping station ) થાણે શહેર, ભિવંડી અને બહારના શહેરને પાણી પુરવઠો ઓછા દબાણે રહેશે. ઉપરાંત, બાકીના શહેર, પૂર્વ ઉપનગરો અને પશ્ચિમ ઉપનગરોમાં પાણી પુરવઠો ઓછા દબાણ હેઠળ રહેશે. તેથી, મુંબઈ મહાપાલિકા વહીવટીતંત્રે સંબંધિત વિસ્તારોના નાગરિકોને પાણીનો સંયમપૂર્વક ઉપયોગ કરવાની અપીલ કરી છે.
આ સમાચાર પણ વાંચો : Surat : સુરત શહેર ટ્રાફીક શાખા દ્વારા રોંગ સાઈડમાં વાહન ચલાવનારા ચાલકોને જાગૃત કરવામાં આવ્યા
Water Cut: પિસે પંપિંગ સ્ટેશનમાં 20 માંથી 13 પંપો બંધ થઈ ગયા હતા…
મુંબઈ મહાપાલિકાનું પિસેમાં જળ સંચય કેન્દ્ર છે. બુધવારે બપોરે અહીંના પ્લાન્ટમાં ટેકનિકલ ખામી ( Technical fault ) સર્જાઈ હતી. જેના કારણે 20માંથી 13 પંપ બંધ થઈ ગયા હતા. તાત્કાલીક રીપેરીંગની કામગીરી બાદ તબક્કાવાર પંપ ચાલુ કરવામાં આવી રહ્યા છે. જો કે, ગઈકાલે 7 વાગ્યા સુધી પિસે સેન્ટરના 20 પૈકી 17 પંપ કાર્યરત થઇ ગયા છે. તેના આધારે પાણી પુરવઠો સુચારૂ રીતે મળી રહે તેની ખાતરી કરવામાં આવી રહી છે. બાકીના 3 પંપ ચાલુ કરવા પ્રયાસો હાથ ધરાયા છે. બાકીના પંપ પણ ટૂંક સમયમાં ચાલુ કરી દેવામાં આવશે અને પાણી પુરવઠો પૂર્વવત કરવામાં આવશે. હાઇડ્રોલોજિકલ એન્જિનિયરિંગ વિભાગે આ સ્પષ્ટતા કરી હતી.
