નવી મુંબઇ પોલીસે કોરોના મહામારીના નિયમોનું ઉલ્લંઘન કરનારા 100થી વધુ લોકો વિરુદ્ધ કેસ નોંધ્યો છે.
નવી મુંબઇ પોલીસે કાર્યવાહી કરતા ગવલી દેવ ડેમ પર ઓછામાં ઓછા 61 લોકો અને પાંડવકડા ડેમ પાસે 52 લોકો પાસે 34 હજાર રૂપિયાનો દંડ વસૂલ કર્યો હતો.
આ તમામ લોકોએ રવિવારે પ્રશાસન દ્વારા પુરની ચેતવણી આપી હોવા છતાં વરસાદથી પ્રભાવિત ક્ષેત્ર કોંકણના વોટરફોલમાં નહાયા હતા તેમજ પિકનિક સ્થળ પર ફરવા નીકળી પડયા હતા.
મોટી સંખ્યામાં નાગરિકો ગવલી દેવ ડેમ, પાંડવકડા ડેમ અને અન્ય દર્શનીય સ્થળોમાં ફરવા માટે આવ્યા હતા. સામાજિક અંતર જાળવ્યા વિના અને માસ્ક પહેર્યા વગર પર્યટકો ફરી રહ્યા હતા.
