News Continuous Bureau | Mumbai
Western Railway Body Cameras and Jackets પશ્ચિમ રેલવે (Western Railway) ના મુંબઈ સેન્ટ્રલ ડિવિઝન દ્વારા ટિકિટ તપાસણી કર્મચારીઓની સુરક્ષા વધારવા અને વિણતિકિટ મુસાફરો સાથે થતી બોલાચાલી કે વિવાદો અટકાવવા માટે એક મહત્વપૂર્ણ નિર્ણય લેવામાં આવ્યો છે. આ નવી પહેલ અંતર્ગત હવે ટીસી (TC) સ્માર્ટ બ્લેક જેકેટ અને બોડી કેમેરાથી સજ્જ થઈને ડ્યુટી કરશે.
Western Railway Body Cameras and Jackets – એસી લોકલ ટ્રેનો અને સ્ટેશનો પર પારદર્શક તપાસ માટે બોડી કેમેરાનો ઉપયોગ
રેલવે પ્રશાસન દ્વારા લેવાયેલા આ નિર્ણય મુજબ, ખાસ કરીને AC ઉપનગરીય લોકલ ટ્રેનો અને વ્યસ્ત રૂટ પર તિકિટ તપાસણી કરતી વખતે ટિકિટ ચેકર્સને બોડીવોર્ન કેમેરા આપવામાં આવશે. આ કેમેરાના કારણે મુસાફરો અને ટિકિટ કલેક્ટર્સ વચ્ચે થતી ગેરસમજ કે દલીલબાજીની તમામ ગતિવિધિઓ રેકોર્ડ થઈ શકશે, જેનાથી બંને પક્ષો માટે પારદર્શિતા જળવાઈ રહેશે.
Western Railway Body Cameras and Jackets – ‘નમસ્તે અભિયાન’ અંતર્ગત વિશેષ કાપડમાંથી તૈયાર કરાયેલા સ્માર્ટ જેકેટ્સ
આ આખી વ્યવસ્થા ‘નમસ્તે અભિયાન’ (Namaste Abhiyan) ના ભાગ રૂપે અમલમાં મૂકવામાં આવી રહી છે. કર્મચારીઓની સગવડ ધ્યાનમાં રાખીને આ ખાસ બ્લેક જેકેટ્સ ઝડપથી સૂકાઈ જાય તેવા માઇક્રોફાઇબર ફેબ્રિકમાંથી બનાવવામાં આવ્યા છે, જેમાં વાયર અને અન્ય ઉપકરણો સુરક્ષિત રીતે ફિટ કરવામાં આવ્યા છે જેથી કર્મચારીઓ સરળતાથી કામ કરી શકે.
Western Railway Body Cameras and Jackets – સુરક્ષા અને વ્યાવસાયિક ઓળખ મજબૂત બનાવવાની દિશામાં મોટું પગલું
આ નવા ગણવેશ અને ટેક્નોલોજીના ઉપયોગથી ટિકિટ ચેકિંગ સ્ટાફને એક અલગ વ્યાવસાયિક (Professional) ઓળખ મળશે તેમજ તેમનું સત્તાવાર ઓળખપત્ર પણ સ્પષ્ટ જોઈ શકાશે. આનાથી અનધિકૃત મુસાફરો પર કડક નજર રાખી શકાશે અને રેલવે મુસાફરી વધુ સુરક્ષિત તથા શિસ્તબદ્ધ બનશે.
👉 આ સમાચાર વાચો:
Mumbai Water Cut મુંબઈમાં પાણી કાપ ? થાણે ખાતે પાઇપલાઇન રિપેરિંગનું કામ ત્રીજા દિવસે પહોંચતા પૂર્વ ઉપનગરોમાં પાણી પુરવઠો પ્રભાવિત થવાની સંભાવના
