Surat: ૧૫ કિ.મી. લાંબી માનવસાંકળ રચી સુરતીઓએ રચ્યો ઈતિહાસ

Surat: સુરતમાં વડાપ્રધાનશ્રી નરેન્દ્ર મોદીના આગમન પૂર્વે ૨૫ હજારથી વધુ વિદ્યાર્થીઓ, શહેરીજનોએ સદ્દભાવના માનવ સાંકળ રચી આપ્યો સ્વચ્છતાનો સંદેશ. ‘સ્વચ્છ, સુરક્ષિત અને ફિટ સુરત’ના સંદેશ સાથે માનવ સાંકળ બનાવતા સુરતીઓ. સાંસદ સી.આર.પાટીલ, ગૃહરાજ્યમંત્રી હર્ષ સંઘવી, વન-પર્યાવરણ રાજ્યમંત્રી મુકેશભાઈ પટેલે ઉપસ્થિત રહી વિદ્યાર્થીઓને પ્રોત્સાહિત કર્યા. સુરત શહેર સમગ્ર ભારતમાં અર્બન ગવર્નન્સ અને ક્લીનલીનેસ માટે જગવિખ્યાત થઈ રહ્યું છે: ગૃહરાજ્યમંત્રી. સુરત શહેરની ૪૩ શાળા અને ૨૨ કોલેજના વિદ્યાર્થીઓ હાથમાં ટ્રાઇ કલર બેન્ડ બાંધી ‘ક્લીન સિટી’, ‘ગ્રીન સિટી’ અને ‘સેફ સિટી’નો આપ્યો સંદેશ. પોલીસ પરેડ ગ્રાઉન્ડથી વાય જંકશન થઈ ચોસઠ જોગણી માતાના મંદિર સુધીના ૧૫ કિ.મીના લાંબા વિસ્તારમાં ૩૦ બ્લોકમાં રચાઈ 'માનવ સાંકળ'

Hiral Meria

2 years ago

Surat: સુરતમાં વડાપ્રધાન નરેન્દ્ર મોદીના ( Narendra Modi ) આગમનને વધાવવા અને સમગ્ર દેશને સ્વચ્છતા, સુરક્ષા અને સ્વાસ્થ્યનો સામૂહિક સંદેશ આપવા સુરત શહેરની વિવિધ શાળાઓ અને કોલેજના ( Schools Colleges ) આશરે ૨૫ હજારથી વધુ વિદ્યાર્થીઓ ( Students ) સાથે શહેરીજનોએ સ્વયંભૂ જોડાઈને ‘સદ્દભાવના માનવ સાંકળ’ ( sadbhavna human chain ) ( human chain ) રચી હતી. જેમાં સાંસદશ્રી સી.આર.પાટીલ ( CR Patil ) , ગૃહરાજ્યમંત્રીશ્રી હર્ષ સંઘવી ( Harsh Sanghvi ) , વન-પર્યાવરણ રાજ્યમંત્રીશ્રી મુકેશભાઈ પટેલે ( Mukesh Patel ) વિશેષ ઉપસ્થિત રહી વિદ્યાર્થીઓ અને શહેરીજનોને પ્રોત્સાહિત કર્યા હતા.