News Continuous Bureau | Mumbai
Surat : સુરત જિલ્લા કલેકટર ડો.સૌરભ પારધીની અધ્યક્ષતામાં કલેક્ટર કચેરીના સભાખંડમાં ચાઈલ્ડ લેબર ટાસ્ક ફોર્સ કમિટીની ( Child Labor Task Force Committee ) બેઠક યોજાઈ હતી. જેમાં માર્ચ માસમાં બાળમજૂરી નાબૂદી અભિયાન હેઠળ કરવામાં આવેલી કામગીરીની સમીક્ષા કરવામાં આવી હતી.
બેઠકમાં કલેકટરશ્રીએ ( Dr Sourabh Pardhi ) બાળમજૂરીમાંથી રેસ્કયુ કરવામાં આવેલા બાળશ્રમિકોનું પુનર્વસન થાય તેમજ બાળમજુરી અંગે વધુમાં વધુ જાગૃતિ ( child labour awareness ) કેળવાય તે માટે સૌને સાથે મળી કાર્ય કરવાનો અનુરોધ કર્યો હતો. જોખમી ઇન્ડસ્ટ્રીઝમાં કામ કરતા બાળશ્રમિકોને રેસ્ક્યુ કરવા પર ભાર મૂકી બાળકો, તરૂણોનું ભવિષ્ય અંધકારમય ન બને એ માટે બાળમજૂરી કરાવતા લોકો સામે કડક કાયદાકીય કાર્યવાહી કરવામાં આવે તેવો મત વ્યક્ત કર્યો હતો.
બેઠકમાં મદદનીશ શ્રમ આયુક્ત એચ. એસ ગામીતે વિગતો આપતા જણાવ્યું કે, માર્ચ મહિનામાં ટાસ્કફોર્સ દ્વારા હોટેલ-રેસ્ટોરન્ટ, કરખાનાઓમાં બે રેડ કરાઈ હતી, જેમાં એક બાળશ્રમિક ( child labour ) અને ૩ તરૂણ શ્રમિકો માલૂમ પડ્યા હતા. જેમના પુનર્વસનની કામગીરી કરવામાં આવી છે. આ બાળકો બિહારના હોવાથી બિહારમાં રહેતા તેમના માતાપિતાને સુરત બોલાવી બાળકો સાથે માતાપિતાનું કાઉન્સેલિંગ કરવામાં આવ્યું હતું અને ભવિષ્યમાં બાળક ફરી વાર બલમજૂરીના દલદલમાં ન ફસાય એ માટે સમજણ આપવામાં આવી છે એમ મદદનીશ શ્રમ આયુકત શ્રી ગામીતે જણાવ્યું હતું.
આ સમાચાર પણ વાંચો: RBI : RBI બ્રિટનમાંથી 100 ટનથી વધુ સોનું ભારતમાં પાછું લાવ્યા! 1991 પછી પહેલીવાર આવું દેશમાં બન્યું..
બેઠકમાં જિલ્લા આરોગ્ય અધિકારી ડો. અનિલ પટેલ, જિલ્લા સમાજ સુરક્ષા અધિકારી શ્રી જિજ્ઞેશ ચૌધરી સહિત વિવિધ વિભાગના અધિકારીઓ ઉપસ્થિત રહ્યા હતા.
Disclaimer : Except for the headline, this story has not been edited by News Continuous staff and is published from a syndicated feed.
