News Continuous Bureau | Mumbai
Surat : ગુજરાત સરકારના ( Gujarat Government ) રમત ગમત, યુવા અને સાંસ્કૃતિક પ્રવૃત્તિઓ વિભાગ, ગાંધીનગર-હેઠળના જિલ્લા યુવા અને સાંસ્કૃતિક પ્રવૃતિઓની કચેરી-સુરત દ્વારા “બાળ નાટ્ય અને નૃત્ય નાટિકા સ્પર્ધા ૨૦૨૪ -૨૫” ( Baal Natya And Nritya Competition 2024-25 ) યોજાશે. જેનો મુખ્ય હેતુ લોકોને કલા સંસ્કૃતિથી માહિતગાર કરવાનો છે.
શહેર ( Surat ) તેમજ જિલ્લા કક્ષાએ યોજાનારી બન્ને સપર્ધાઓમાં તા.૩૧/૧૨/૨૦૨૪ના રોજ ૦૭ વર્ષથી વધુ અને ૧૩ વર્ષ સુધીના બાળકો ( Children ) ભાગ લઈ શકશે. જેમાં બાળ નાટકમાં વધુમાં વધુ ૧૫ સ્પર્ધકો સાથે ૦૮ સહાયકો તથા બાળ નૃત્ય નાટીકામાં ( Children’s Drama and Dance Drama Competition 2024-25 ) વધુમાં વધુ ૨૫ સ્પર્ધકો સાથે ૦૮ સહાયકો ભાગ લઈ શકશે. બન્ને કૃતિઓની રજૂઆતનો સમય ઓછામાં ઓછો ૩૦ મિનિટ અને વધુમાં વધુ ૪૫ મિનિટ રહેશે.
આ સમાચાર પણ વાંચો : Power Petrol Vs Normal Petrol: સામાન્ય પેટ્રોલ અને પાવર પેટ્રોલ વચ્ચે શું તફાવત હોય છે? જેના કારણે બંનેના ભાવમાં તફાવત જોવા મળે છે.. જાણો વિગતે..
આ સ્પર્ધામાં ભાગ લેવા ઈચ્છૂક સુરત શહેર તથા ગ્રામ્યની શાળાઓ તેમજ વિવિધ સંસ્થાઓને સ્પર્ધાના પ્રવેશપત્રો જિલ્લા યુવા અને સાંસ્કૃતિક પ્રવૃતિઓની કચેરી, પ્રથમમાળ,જુના સિવિલ કોર્ટ બિલ્ડીંગ, નાનપુરા, સુરત કચેરી ખાતેથી મેળવી તા.૨૨/૦૮/૨૦૨૪એ ૧:૦૦ વાગ્યે સુધીમાં આધારકાર્ડ અને સ્ક્રિપ્ટ સહિત જમા કરાવવા જિલ્લા યુવા વિકાસ અધિકારી-સુરતની યાદીમાં જણાવાયું છે.
Disclaimer : Except for the headline, this story has not been edited by News Continuous staff and is published from a syndicated feed.
