News Continuous Bureau | Mumbai
Barrier Free Toll Plazas દેશભરના નેશનલ હાઈવે અને એક્સપ્રેસવે પર મુસાફરી કરતા વાહનચાલકો માટે કેન્દ્રીય માર્ગ પરિવહન અને રાજમાર્ગ મંત્રી નીતિન ગડકરીએ એક ક્રાંતિકારી જાહેરાત કરી છે. તેમણે જણાવ્યું છે કે માર્ચ ૨૦૨૭ સુધીમાં દેશના તમામ ટોલ પ્લાઝાને સંપૂર્ણપણે ‘બેરિયરફ્રી’ (અવરોધ રહિત) બનાવી દેવામાં આવશે. આ નવી અત્યાધુનિક સિસ્ટમ હેઠળ હાઈવે પર વાહનોને ટોલ ભરવા માટે બૂથ પર ધીમા પડવાની કે બ્રેક મારવાની જરૂર નહીં પડે. ઓટોમેટિક નંબર પ્લેટ રેકગ્નિશન (ANPR) કેમેરા અને આધુનિક ફાસ્ટેગ ટેકનોલોજીના સમન્વયથી ચાલતા વાહને જ સીધો ટોલ ટેક્સ વસૂલ થઈ જશે, જેનાથી દેશભરના હાઈવે પર પ્રવાસ અત્યંત ઝડપી અને સરળ બનશે.
Barrier Free Toll Plazas – ANPR અને હાઈ-સ્પીડ ફાસ્ટેગ ટેકનોલોજી કેવી રીતે કામ કરશે
નવી બેરિયર-લેસ ટોલિંગ વ્યવસ્થામાં હાઈવે પર ઓવરહેડ ગેન્ટ્રીઝ લગાવવામાં આવશે, જેમાં અતિ આધુનિક એએનપીઆર (ઓટોમેટિક નંબર પ્લેટ રેકગ્નિશન) હાઈ-સ્પીડ કેમેરા અને આરએફઆઈડી સેન્સર્સ ફીટ કરેલા હશે. જ્યારે કોઈ વાહન સામાન્ય ગતિએ આ ગેન્ટ્રી નીચેથી પસાર થશે ત્યારે કેમેરા તેની નંબર પ્લેટ અને ફાસ્ટેગને એક સેકન્ડના હજારમા ભાગમાં સ્કેન કરી લેશે. ત્યારબાદ લિંક થયેલા બેન્ક ખાતા કે વોલેટમાંથી આપમેળે ટોલની રકમ કપાઈ જશે. આના કારણે ટોલ બૂથ પર લાગતા બેરિયર્સ અને બૂથની ભૌતિક વ્યવસ્થા સંપૂર્ણપણે નાબૂદ થઈ જશે.
Barrier Free Toll Plazas – મુસાફરો માટે સમય અને ઇંધણની થશે જંગી બચત
આ નવી ટેકનોલોજીના અમલથી દેશના અર્થતંત્ર અને સામાન્ય વાહનચાલકો બંનેને મોટો ફાયદો થશે. ટોલ પ્લાઝા પર વાહનોની લાંબી લાઈનોમાં ઊભા રહેવાના કારણે થતી સમયની બરબાદી અટકશે અને વારંવાર વાહન ચાલુ-બંધ કરવાથી થતા ઇંધણના બગાડમાં પણ મોટો ઘટાડો થશે. વાહનો અટસ્યા વગર સતત ગતિએ આગળ વધતા પ્રદૂષણમાં નોંધપાત્ર ઘટાડો નોંધાશે. લોજિસ્ટિક્સ અને માલવાહક ટ્રકોની સરેરાશ ઝડપ વધવાથી દેશભરમાં માલસામાનની હેરફેર ઝડપી અને સસ્તી બનશે.
Barrier Free Toll Plazas – સરકારી આવકમાં વધારો અને માર્ચ ૨૦૨૭ સુધીનો અમલીકરણ રોડમેપ
કેન્દ્રીય મંત્રી નીતિન ગડકરીએ સ્પષ્ટ કર્યું કે આ ડિજિટલ વ્યવસ્થાથી ટોલ કલેક્શનમાં સંપૂર્ણ પારદર્શિતા આવશે અને કોઈપણ પ્રકારની ગેરરીતિ કે લીકેજ અટકશે, જેથી સરકારી તિજોરીની આવકમાં મોટો ઉછાળો આવશે. મંત્રાલયે આ મહત્વાકાંક્ષી પ્રોજેક્ટ માટે કાયદાકીય માળખું અને નંબર પ્લેટના નવા માપદંડો નિર્ધારિત કરવાની કામગીરી તેજ કરી દીધી છે. દેશભરના નેશનલ હાઈવે નેટવર્ક પર તબક્કાવાર ટ્રાયલ્સ પૂર્ણ કરીને માર્ચ ૨૦૨૭ સુધીમાં આ સમગ્ર દેશવ્યાપી સિસ્ટમ સત્તાવાર રીતે લાગુ કરી દેવામાં આવશે.
👉 આ સમાચાર વાચો:
Nita Ambani Royal Look Ganesh Chaturthi ગણેશ ચતુર્થી પર ૨૫૦૦ કરોડની માલિકણ નીતા અંબાણીનો રોયલ અંદાજ સિલ્ક સાડી અને શાહી લૂકમાં લાગ્યા ગજબ
