ન્યુઝ કન્ટીન્યુઝ બ્યુરો
મુંબઈ
23 ઓક્ટોબર 2020
ડ્રગ્સ કંટ્રોલર જનરલ ઑફ ઈન્ડિયાએ ભારત બાયોટેકને વેક્સીનના ત્રીજા તબક્કાના ટ્રાયલની પરવાનગી આપી દીધી છે. ભારત બાયોટેક એ બે ઉમેદવારોમાંથી એક છે જે સ્વદેશી છે. ભારત બાયોટેકે પહેલા અને બીજા તબક્કાના ટ્રાયલના ડેટા સાથે એનિમલ ચેલેન્જ ડેટા રજૂ કર્યા હતા. બધા જ ડેટાને તપાસીને કરવામાં આવેલી ચર્ચા પછી મંજૂરી આપવામાં આવી છે. જણાવી દઈએ કે ભારતીય તબીબી સંશોધન પરિષદ (આઇસીએમઆર) ના સહયોગથી, ભારત સ્વદેશી બાયોટેક "કોવાક્સિન" રસી વિકસાવી રહી છે.
હૈદરાબાદ સ્થિત રસી ઉત્પાદક કંપનીએ તેની રસી પરીક્ષણના ત્રીજા તબક્કાની મંજૂરી મેળવવા 2 ઓક્ટોબરે ડીસીજીઆઈને અરજી કરી હતી. કંપનીએ તેની અરજીમાં કહ્યું હતું કે આ અભ્યાસમાં 18 વર્ષ કે તેથી વધુ વયના 28,500 લોકોનો સમાવેશ કરવામાં આવશે અને આ પરીક્ષણ 10 રાજ્યોમાં 19 સ્થળોએ કરવામાં આવશે. આ સ્થળોમાં દિલ્હી, મુંબઇ, પટના અને લખનઉનો સમાવેશ થાય છે.
નોંધનીય છે કે 5 ઓક્ટોબરે, સેન્ટ્રલ ડ્રગ્સ સ્ટાન્ડર્ડ કંટ્રોલ ઓર્ગેનાઇઝેશન (સીડીએસકો) ની એક્સપર્ટ કમિટી (એસઈસીએસ) દ્વારા કંપનીની અરજી પર ચર્ચા કરવામાં આવી હતી. સમિતિએ વિગતવાર વિચાર-વિમર્શ પછી કહ્યું કે હતું કે ત્રીજા તબક્કાના અધ્યયનની ડિઝાઈન સિદ્ધાંત રૂપે સંતોષજનક છે. સમિતિએ પોતાની ભલામણમાં કહ્યું હતું કે બીજા તબક્કાના પરીક્ષણની સુરક્ષા અને પ્રતિરક્ષા સંબંધી આંકડાના આધારે ઓળખેલી ઉચિત ડોઝ સાથે અધ્યયન શરૂ કરવું જોઈએ. આ પ્રકારે કંપનીએ આવા સંબંધિત આંકડા રજૂ કરવા જોઈએ
