ASI પટના સર્કલના અધિક્ષક પુરાતત્વવિદ્ ગૌતમી ભટ્ટાચાર્યએ મંગળવારે જણાવ્યું કે પટનાના દતિયાનામાં શિલ્પના શેડનો ગેટ કાપીને ભગવાન વિષ્ણુની મૂર્તિની ચોરી કરવામાં આવી હતી.
તેમણે કહ્યું, ‘સ્થાનક મુદ્રા (ઉભા હોવાની સ્થિતિ)માં વિષ્ણુની મૂર્તિ એક મુખ અને ચાર ભુજાઓ વાળી કાળા પથ્થરની બનેલી છે. આ ચાર ભુજાઓમાંથી બે હાથોમાંથી એકમાં ચક્ર અને ગદા છે. મૂર્તિ કિરીટાનો મુગટ પહેરીને કમળના આસન પર ઉભેલી બતાવવામાં આવી છે અને તેની બંને બાજુએ બે મહિલા દેવતાઓની સેવાકાર છે.’
ભટ્ટાચાર્યએ કહ્યું કે આ મૂર્તિ પાલ કાળની છે. તેમણે કહ્યું કે આ મૂર્તિ લગભગ 1200 વર્ષ જૂની છે. તેમણે કહ્યું કે વિક્રમ પોલીસ સ્ટેશનમાં આ સંબંધમાં એફઆઈઆર નોંધવા ઉપરાંત નવી દિલ્હીમાં એએસઆઈ હેડક્વાર્ટરને પણ આ સંબંધમાં જાણ કરવામાં આવી છે.
દરમિયાન, પૂર્વ ચંપારણના ખેડા ખાતેના રામ જાનકી મંદિરમાંથી ચોરોએ સીતા અને લક્ષ્મણની અષ્ટધાતુની મૂર્તિની ચોરી કરી લીધી. આ ઘટના રવિવારે બની હતી. મંદિરના પૂજારીએ જણાવ્યું કે જ્યારે તેઓ સોમવારે મંદિરમાં સફાઈ માટે પહોંચ્યા તો ત્યાંથી બે મૂર્તિઓ ગાયબ હતી. સ્થાનિક પોલીસ ચોરોને પકડવા અને ચોરાયેલી મૂર્તિઓ પરત મેળવવા દરોડા પાડી રહી છે.
