News Continuous Bureau | Mumbai
IT Rules Amendments: બોમ્બે હાઈકોર્ટે (Bombay High Court) ફેક ન્યૂઝ (Fake news) સામે કેન્દ્ર સરકાર(Central govt)ના નવા આઈટી નિયમોમાં કરાયેલા સુધારાને કડક ગણાવ્યા છે. કોર્ટે કટાક્ષ કરતા કહ્યું હતું કે, કીડીને મારવા હથોડાનો ઉપયોગ કરી શકાય નહીં. જસ્ટિસ ગૌતમ પટેલ અને જસ્ટિસ નીલા ગોખલેની ખંડપીઠે સુનાવણી દરમિયાન કહ્યું હતું કે નિયમોમાં મોટા ફેરફારો થઈ શકે છે. એક દિવસ પહેલા સુનાવણી દરમિયાન કોર્ટે કહ્યું હતું કે આઈટીનો નવો નિયમ સરકારી હુકમનામું છે, તે બચાવની તક આપતું નથી.
સરકાર જવાબ આપવા બંધાયેલી- કોર્ટ
કોર્ટે કહ્યું કે તેને હજુ નિયમોમાં એમેન્ડમેન્ટ(IT Rules Amendments) પાછળની જરૂરિયાત સમજાતી નથી. સરકારની એક ઓથોરિટીને ખોટા અને ગેરમાર્ગે દોરતા સમાચારો અંગે નિર્ણય લેવાની સત્તા આપવાની બાબતને સમજવી મુશ્કેલ છે. કોર્ટે વધુમાં જણાવ્યું હતું કે, લોકશાહી પ્રક્રિયામાં સરકાર અને નાગરિક બંને સમાન રીતે સહભાગી હોય છે. એટલે નાગરિક પાસે પ્રશ્ન પૂછવાનો અને જવાબો માંગવાનો અધિકાર છે. સરકાર જવાબ આપવા બંધાયેલી છે.
ફેક્ટ ચેકિંગ યુનિટને સંપૂર્ણ સત્તા
કોર્ટે કહ્યું કે સરકાર પણ લોકતાંત્રિક પ્રક્રિયામાં સહભાગી છે અને પ્રશ્નોથી મુક્ત નથી. કોર્ટે સુધારેલા નિયમો હેઠળ સૂચિત ફેક્ટ ચેક યુનિટ (FCU) વિશે પણ ચિંતા વ્યક્ત કરી, પૂછ્યું કે કેન્દ્રના FCUની સત્યતા કોણ તપાસશે. તેમને એ પણ વિચિત્ર લાગે છે કે શું બનાવટી, ખોટું અને ગેરમાર્ગે દોરનારું છે તે નક્કી કરવા માટે સરકારે એક ઓથોરિટી ફેક્ટ ચેકિંગ યુનિટને સંપૂર્ણ સત્તા આપી છે.
આ સમાચાર પણ વાંચો: Selfie Video :મોતની સેલ્ફી, કેદારનાથમાં હેલીપેડ પર સેલ્ફી લેવા ગયો યુવક, સુરક્ષાકર્મીઓએ આ રીતે સબક શિખવાડ્યો, જુઓ વીડિયો
અરજદારોએ નિયમોને મનસ્વી ગણાવ્યા
ઉલ્લેખનીય છે કે સોશિયલ મીડિયા(Social media) પર તેના વિરુદ્ધ વાયરલ થઈ રહેલા નકલી કન્ટેન્ટને રોકવા માટે કેન્દ્ર સરકારે તાજેતરમાં IT નિયમોમાં (IT Rules Amendments) ફેરફાર કર્યા છે. સ્ટેન્ડ-અપ કોમેડિયન કુણાલ કામરા, એડિટર્સ ગિલ્ડ ઑફ ઈન્ડિયા અને એસોસિએશન ઑફ ઈન્ડિયન મેગેઝિને તેની વિરુદ્ધ હાઈકોર્ટમાં અરજી કરી છે.
અરજીકર્તાઓએ સરકારના નિયમોને મનસ્વી અને ગેરબંધારણીય ગણાવ્યા છે. એવો પણ દાવો કર્યો છે કે આ ફેરફારોથી નાગરિકોના મૂળભૂત અધિકારો પર પ્રતિકૂળ અસર પડશે. એસોસિયેશન ઓફ ઈન્ડિયન મેગેઝીન્સ તરફથી હાજર રહેલા એડવોકેટ ગૌતમ ભાટિયાએ દલીલ કરી હતી કે ફેક ન્યૂઝને રોકવા માટે સોશિયલ મીડિયા પર ઓછા પ્રતિબંધિત વિકલ્પો ઉપલબ્ધ છે.
